Rusiya NATO-nun planlarını pisləyir
Rusiyanın NATO-dakı səfiri alyansın hərbi xərcləri artırması planlarını pisləyib, Avropa ölkələri daha çox silah aldıqca, bundan ABŞ müdafiə sənayesinin faydalanacağını bildirib.
“Avropalılar ABŞ-ın tələbini qəbul edərək ÜDM-lərinin 2 faizini müdafiəyə xərcləməyə razılaşsalar, ümumi xərcləmə 370 milyard avroya çatacaq. Bu, nəhəng məbləğdir”, – Rusiyanın səfiri Alexander Grushko mayın 26-da Rossiya-1 televiziyasına bildirib.
“Onlar bu məbləğin 20 faizini silah alışına xərcləyəcəklər ki, bu da ilə 70 milyard avro edir. Aydındır ki, bu pulun böyük hissəsi Amerika silahlarının alınmasına gedəcək. ABŞ müdafiə sektoru qazanacaq”, – o söyləyib.
Rusiyanın Xarici İşlər Nazirliyi isə “Rusiya-NATO münasibətlərinin Soyuq Müharibə bitəndən bəri ən böhranlı dövrünü yaşadığını” bildirib.
24saat.org
Mənbə – azadliq.org