Loading...
Loading...
Dünya

Rusiya qüvvələri Severodonetskin mərkəzinə yaxınlaşır

Kiyev rusiyalıların Severodonetsk yaxınlığındakı Toşkivka kəndindən çıxarıldığını bildirir. Bu isə Moskvanın ərazini mühasirəyə almaq cəhdlərini əngəlləyə bilər

Mayın 31-də Rusiya qüvvələri Ukraynanın şərqindəki Severodonetsk şəhərinin mərkəzinə yaxınlaşıblar. Küçə döyüşləri şəhərin böyük hissəsində dağıntılara səbəb olub.

Ukrayna Prezidenti Volodimir Zelenski ölkənin şərqi Donbas regionunda vəziyyətin “həddən artıq çətin” olduğunu deyib. Region bir neçə həftədir bombardman altındadır və Rusiya ordusu oraya “maksimum döyüş qüvvəsi” cəmləyib.

Severodonetskin üçdə biri…

Ukraynanın şərqi Luqansk vilayətinin separatçı lideri Leonid Paseçnik TASS agentliyinə deyib ki, Severodonetskin üçdə biri “artıq bizim nəzarətimizdədir”, amma Rusiya ümid edildiyindən daha ləng irəliləyir.

Moskva Severodonetskdə irəlilədikcə Rusiya qüvvələri Ukraynanın şimal-şərqini də atəşə tutmaqdadır.

“Donbasda vəziyyət həddən artıq çətindir. Rusiya ordusu müdafiəçilərimizə təzyiqi artırmaq üçün müəyyən ərazilərə böyük qüvvələr yığırlar. Donbasa isə Rusiya ordusunun maksimum döyüş qüvvəsi cəmləşib”,Zelenski mayın 30-da gecə çıxışında deyib.

Kiyev rusiyalıların Severodonetsk yaxınlığındakı Toşkivka kəndindən çıxarıldığını bildirir. Bu isə Moskvanın ərazini mühasirəyə almaq cəhdlərini əngəlləyə bilər.

Mikolaivka kəndi

Ukrayna ordusunun məlumatına görə, Rusiya qüvvələri Xerson vilayətinin sərhədində yerləşən İnhulets çayının cənub sahilində Andriyivka, Lozove və Bilohorka kəndlərində müdafiə mövqelərinə oturdulub. Moskva Xersona nəzarəti gücləndirməyə çalışır.

Baş qərargahın bəyanatında deyilir ki, “düşmən itki verərək Xerson vilayətində Mikolaivka kəndindən çıxıb, bu isə Rusiya Federasiyası silahlı qüvvələrinin digər bölmələrindən əsgərlər arasında panikaya səbəb olub”.

Bu informasiyanı müstəqil təsdiqlətmək mümkün olmayıb. Amma Rusiya qüvvələrinin Mikolaivkadan çəkilməsi Ukrayna üçün bir neçə kilometrlik irəliləyiş demək olar.

Siverskiy Donetsk çayının sahillərində yerləşən Severodonetsk və Lisiçansk şəhərləri Rusiyanın Donbasın zəbtini tamamlaması üçün vacibdir. Moskva bunu Ukraynanın müdafiəsini gücləndirəcək Qərb silahları gəlməmiş başa çatdırmaq istəyir.

24 saat” “
Rusiya qüvvələri Severodonetskin mərkəzinə yaxınlaşır
” başlıqlı yazını “AzadliqRadiosu”na istinadən dərc edib

Xeberler

Gözdən qaçırmayın:  Berdımuxammedov atının adını prospektə vermək istəyir

This site uses Akismet to reduce spam. Learn how your comment data is processed.

Back to top button