Loading...
Loading...
Cəmiyyət

Rusiya, Tacikistan və Özbəkistan Əfqanıstanla sərhəddə hərbi təlim keçirəcəklər

Rusiya, Tacikistan və Özbəkistan avqustun əvvəllərində Tacikistan-Əfqanıstan sərhədi yaxınlığında birgə hərbi təlimlər keçirəcək.

Rusiya Orta Asiya Hərbi Dairəsi-nin komandanı Aleksandr Lapin iyulun 19-da jurnalistlərə bildirib ki, təlimlər avqustun 5-10 arası Tacikistandakı Hərb-Meydan düzündə keçiriləcək. O qeyd edib ki, hərbi təlimlərdə müttəfiq ölkələrin ərazisinə soxulmuç qanunsuz silahlı birləşmələrin qarşısının alınması məşq ediləcək.

AzadlıqRadiosunun TASS-a istinadla verdiyi məlumata görə,bu təlimlərdə Rusiyanın Tacikistandakı hərbi bazasının heyəti-dağ-nəqliyyat ordusu, tank və artileriya bölmələri, həmçinin xüsusi təyinatlı qüvvələr iştirak edəcək.

Son həftələrdə Əfqanıstandan Tacikistana hökumət qoşunlarının əsgərləri və polislər də daxil olmaqla yüzlərlə qaçqın keçib.

Qonşu Türkmənistan da yaranmış vəziyyətə görə Əfqanıstanla sərhəd bölgəsinə hərbi texnika və canlı qüvvələr yeridir.

Son məlumata görə Taliban yaraqlıları son həftələrdə Əfqanıstanın 423 bölgəsinin təxminən üçdə birini ələ keçiriblər.

Qeyd edək ki, ABŞ-ın rəhbərlik etdiyi beynəlxalq koalisiya qüvvələri mayın 1-dən Əfqanıstanı tərk etməyə başladıqdan sonra yerli hökumət qüvvələri ilə Taliban yaraqlıları arasında döyüşlər başlayıb.

24 saat” “Rusiya, Tacikistan və Özbəkistan Əfqanıstanla sərhəddə hərbi təlim keçirəcəklər” başlıqlı yazını “Azadlıq Radiosu”na istinadən dərc edib.

Gözdən qaçırmayın:  Mahmudov bandası, televizor qutularında 10 milyon dollar və məhv edilən ailə

This site uses Akismet to reduce spam. Learn how your comment data is processed.

Back to top button