Dünya

Rusiya Ukraynaya yeni zərbələr endirir

Noyabrın 3-də Ukrayna qüvvələri bir neçə yerdə Rusiyanın hücumları ilə üzləşiblər. Moskva hücumu gücləndirib, infrastruktura ağır zərbələr endirib.

Ukraynanın cənubundakı Zaporojye atom elektrik stansiyası isə yenidən elektrik şəbəkəsindən ayrılıb. Səbəb yüksək gərginlikli xətlərin zərbələr nəticəsində sıradan çıxmasıdır. Ukraynanın Enerhoatom nüvə şirkəti zavodun yalnız dizel generatorlarının ümidinə qaldığını bildirir.

Silahlı Qüvvələrin Baş Qərargahı noyabrın 3-də brifinqdə bildirib ki, ölkənin şərqində ağır döyüşlər gedir. Rusiya qüvvələri şərqi Donetsk vilayətindəki Baxmut, Avdiyevka və Novopavlovkada hücum əməliyyatları aparır.

Ordunun məlumatına görə, rusiyalılar Donetsk və qonşu Luqanskda 12 yerdə hücum gerçəkləşdiriblər.

Luqanskda Rusiya qüvvələrinin dinc sakinlərdən qalxan kimi istifadə etdiyi deyilsə də, bu iddianı müstəqil təsdiqlətmək mümkün olmayıb.

Son bir neçə həftədə Rusiya Ukraynanın mülki və enerji infrastrukturunu hədəfə alır, elektrik və su təchizatında fasilələr yaranır.

Cənubda isə Ukraynanın əkshücumu Rusiya qüvvələrini Dnepr çayının sağ sahilində, Xerson şəhəri ətrafındakı mövqelərini qorumağa məcbur edir. Moskvanın təyin etdiyi hakimiyyət sakinləri evakuasiya olunmağa çağırıb.

Nova Zburivka kəndinin sakinlərinə köçmək üçün üç gün vaxt verilib, noyabrın 5-dən evakuasiyanın məcburi olacağı deyilib.

Noyabrın 3-də kənd təsərrüfatı məhsulları ilə dolu yeddi gəmi Ukraynanın Qara dəniz limanlarından çıxıb. Bir gün öncə Ukrayna taxılının xarici bazarlara çatdırılmasını nəzərdə tutan saziş bərpa olunub. 290 min ton məhsul yüklənmiş gəmilər Avropa və Asiya ölkələrinə yola düşüb. Məlumatı Ukraynanın İnfrastruktur Nazirliyi yayıb.

24 saat” “
Rusiya Ukraynaya yeni zərbələr endirir
” başlıqlı yazını “AzadliqRadiosu”na istinadən dərc edib

Xeberler

Gözdən qaçırmayın:  Rumıniyada 5,1 bal gücündə zəlzələ!

This site uses Akismet to reduce spam. Learn how your comment data is processed.

Back to top button