24saat.org Rusiyada azərbaycanlı biznesmen “Range Rover”də güllələndi - 24 saat

AZ24SAAT.ORG

Now Reading:
Rusiyada azərbaycanlı biznesmen “Range Rover”də güllələndi

Moskvaətrafında Vidnoe şəhərində azərbaycanlı biznesmen Toğrul Tağıyev güllələnərək qətlə yetirilib.

Hadisə iş adamının analiz vermək üçün getdiyi tibb mərkəzinin yaxınlığında törədilib. Naməlum şəxs Tağıyevin “Range Rover” markalı avtomobilinə 7 güllə atıb. Onlardan 2-si iş adamına dəyib.

“36 yaşlı T.Tağıyev güllə yarası ilə şəhər xəstəxanasına çatdırılsa da, həyatını xilas etmək mümkün olmayıb”, deyə Moskva əyaləti üzrə istintaq idarəsinin baş köməkçisi Olqa Vradiy bildirib.

Baş vermiş qətllə əlaqədar “Öldürmə” və “Qanunsuz silah daşıma” maddələri üzrə cinayət işi açılıb. Polis cinayətkarın axtarışına başlayıb. Hadisə yerindən 9 mm kalibrli 4 giliz, 1 güllə tapılıb. Lazımi bütün tibbi, genetik və ballistik ekspertizalar aparılacaq.

Toğrul Tağıyev uzun müddətdir, Moskvaətrafında yerləşib və “Food City” topdan-pərakəndə satış bazarında obyektlərə sahibdir. Tağıyevi daha əvvəl də öldürməyə cəhd ediblər. Bu barədə biznesmenin dayısı oğlu Seymur Məmmədov bildirib:

“4 ay əvvəl onun maşınına atəş açmışdılar. Toğrul polisə müraciət etdi, ancaq heç kəsi tapa bilmədilər. Toğrulu daha sonra açıq-aşkar kimsə hədələmirdi. Onun düşmənləri olmayıb. Düzdür, bazarda obyektləri olub. Həyat yoldaşı və iki azyaşlı uşağı var. Onu şəxsi evinin həyətində – klinikanın yerləşdiyi birinci mərtəbədə güllələyiblər. Güllələrdən biri ayağından, digəri başından dəyib. Xəstəxanaya çatmamış ölüb”.

24saat.org xəbəri qafqazinfo.az-a istinadən xəbər verir

3

3

1 comment

  • 24saat

    Allah rehmet elesin.Mekanı cennet olsun.Allah balalarını bedxahlardan qorusun.Toğrula göre düşmenleri olmayıb.Bedxahlar hemişe var.Allah pis adamların belasını versin.Çox heyif yarı yolda ömrü qırıldı.

SİZ DƏ FİKRİNİZİ YAZIN

This site uses Akismet to reduce spam. Learn how your comment data is processed.

24saat.org@gmail.com
Çəkdiyiniz videoları bu ünvana yollamaqla bizimlə əməkdaşlıq edə bilərsiniz! Telefon - 055 239-48-36
[mc4wp_form id=""]
Input your search keywords and press Enter.