2024-cü ildə Azərbaycanda həbsdə olan jurnalistlər 2024-cü ildə Azərbaycanda həbsdə olan jurnalistlər
SEÇMƏ

Rusiyada jurnalist üsyanı: Populyar saytın iki əməkdaşından inanılmaz addım

Rusiyanın “Lenta.ru” internet nəşrinin 2 əməkdaşı – “İqtisadiyyat” və “Yaşam mühiti” şöbələrinin rəhbəri Yeqor Polyakov və redaktor Aleksandra Miroşnikova saytda Ukrayna-Rusiya müharibəsindəki real vəziyyətlə bağlı obyektiv xəbər, habelə Prezident Vladimir Putinin savaş siyasətini tənqid edən məqalələr yerləşdirərək rəsmi Moskvanın Ukrayna siyasətinə etirazını bildiriblər.

Bu barədə “Mediazona” yazıb.

Məlumata görə, yazılar qısa müddət ərzində saytdan silinsə də, onlar internet arxivində qalmaqdadır.

Saytların yığılması Saytlarin yigilmasi

İnternet nəşrində “Putin XX əsrin qanlı müharibələrindən birini başladıb”, “Vladimir Putin yazıq diktator və paranoikə çevrilib”, “Rusiya elitası qohumbazlıq və yaltaqlıq xəstəsidir” xəbərləri, həmçinin “Müharibə iqtisadiyyatdakı uğursuzluqları ört-basdır etməyi asanlaşdırır. Putin getməlidir. O, mənasız müharibəyə başladıb və Rusiyanı uçuruma aparır” başlıqlı məqalə dərc edilib.

Müharibə əleyhinə olan bütün yazılar müəlliflərin xüsusi qeydi ilə başlayıb: “Bu material rəhbərliklə razılaşdırılmayıb, Prezident Administrasiyası bu yazıya görə nəşrin başına oyun açacaq”. Məqalələrin postskriptumlarında məsuliyyəti öz üzərinə yuxarıda adıçəkilən əməkdaşlar alıb.

Bildirilib ki, həmin materiallar öncəki xəbərlərin içi dəyişdirilərək sayta yerləşdirilib.

Xatırladaq ki, daha öncə mətbuatda “Lenta.ru” nəşrinə haker hücumu edilməsi ilə bağlı məlumatlar yayılmışdı.

Qeyd edək ki, Rusiyada aparıcı xəbər agentlikləri Kremlin sərt nəzarəti altındadır. Həmin nəşrlərə nəinki müharibəni tənqid etmək, həmçinin Rusiyanın Ukraynadakı hərbi əməliyyatlarını “müharibə” adlandırmaq belə yasaqlanıb.

24 saat” “Rusiyada jurnalist üsyanı: Populyar saytın iki əməkdaşından inanılmaz addım” başlıqlı yazını “Pressklub”a istinadən dərc edib

Xeberler

Saytların yığılması Saytlarin yigilmasi

Bənzər məqalələr

Bir cavab yazın

This site uses Akismet to reduce spam. Learn how your comment data is processed.

Back to top button