Now Reading:
Rusiyada tapılmış “bir çanta əl” müəmması

Rusiya müstəntiqləri bildirirlər ki, Uzaq Şərqdəki Xabarovsk şəhərində dənizin sahilə çıxardığı bir çanta amputasiya edilmiş əl heç bir cinayətlə bağlı deyil.

Bu çanta aşkar edilməzdən əvvəl, martın 6-da bir balıqçı Amur çayındakı adada kəsilib atılmış insan əli tapmışdı.

Regional İstintaq Komitəsi bildirib ki, amputasiya edilmiş 26 əlin yerli tibbi-ekspertiza laboratoriyasından olduğu müəyyən edilib. Bu laboratoriyada meyitlərin autopsiyası və identifikasiyası keçirilir.

Komitənin bəyanatında deyilir ki, “bu predmetlər cinayət mənşəli deyil, sadəcə olaraq qanunda nəzərdə tutulmamış şəkildə tullanıb”.

RIA Novosti agentliyi bildirir ki, sözügedən ərazidə tibb bandajları və xəstəxanalarda geyinilən ayaqqabı örtükləri də aşkar edilib.

Yerli media yazır ki, bu hadisə Rusiya tibb ekspertlərinin gələcək identifikasiya və tutuşdrimalar üçün meyitlərin əllərini kəsib saxlamaq praktikasını təsdiq edir.

Lakin bu halda identifikasiya üçün sadəcə olaraq barmaq izlərinin saxlanmaması təəccüb doğurur.

İngilisdilli Siberian Times qəzetində dərc edilmiş ekspert rəylərində hadisə barəsində rəsmilərin verdiyi məlumat şübhə altına alınır və bildirilir ki, laboratoriyanın kimliyini müəyyənləşdirə bilmədiyi çox sayda meyit ola bilər.

(azadliq.org)

SİZ DƏ FİKRİNİZİ YAZIN

This site uses Akismet to reduce spam. Learn how your comment data is processed.

24saat.org@gmail.com
Çəkdiyiniz videoları bu ünvana yollamaqla bizimlə əməkdaşlıq edə bilərsiniz! Telefon - 055 239-48-36
Input your search keywords and press Enter.