Rusiyadan ABŞ-a buz kimi 1 aprel zarafatı
Rusiyanın Xarici İşlər Nazirliyi rəsmi Facebook hesabları üzərindən etdikləri bir paylaşımla 1 aprel zarafatı edib.
Nazirliyin zarafatının hədəfində ABŞ mediası və ABŞ mediasında yer alan Rusiyanın ABŞ seçkilərinə müdaxilə etdiyi iddiası vardı.
“Russia Today”in xəbərinə görə, 1 apreldə nazirliyin rəsmi Facebook səhifəsində bir səs qeydi yayılıb. Qeyddə: “Rusiya səfirliyinə çatdınız, axtarışınız bizim üçün çox əhəmiyyətlidir. Siyasi rəqiblərinizə bir rus diplomatdan telefon gəlməsini istəyirsinizsə, 1-ə basın” ifadələri əvvəl rus, sonra isə ingilis dilində səsləndirilir. Qeydin davamında: “Rus haker xidmətlərini istifadə üçün 2-yə basın. Əgər seçkilərə müdaxilə edilməsini istəyirsinizsə, 3-ə basın və bir sonrakı seçkilərə qədər gözləyin.” ifadələri səsləndirilir.
Məlum olduğu kimi, ABŞ-da Donald Trampın zəfəriylə nəticələnən 8 noyabr seçkilərindən sonra kəşfiyyat təşkilatları Rusiyanın ABŞ seçkilərinə müdaxilə etdiyini iddia etmişdi. Kəşfiyyatın hesabatında rus hakerlərin ABŞ-ın elektron seçki sisteminə sızdığı və Trampın seçimi qazanmasına kömək etdiyi bildirilmişdi.
azadliq.info
24saat.org
Mənbə – azadliq.info