Mayın 9-da səhər tezdən Rusiya peyk telekanallarının televiziya proqramlarında müharibə əleyhinə bəyanatlar yer alıb. Eyni zamanda Rusiyanın Rutube video hostinqi və populyar lenta.ru saytı kiberhücuma məruz qalıb.

Bu barədə Meduza yazır.

Smart TV-də telekanalların və proqramların təsvirlərində belə yazı peyda olub: “Minlərlə ukraynalının və onların yüzlərlə öldürülmüş övladının qanı sizin əlinizdədir. Televiziya və hakimiyyət yalan danışır. Rədd olsun müharibə”.

Saytların yığılması

Hakerlər Youtub-un Rusiyadakı analoqu olan Rutube video xidmətinə də hücum ediblər, bundan sonra saytın fəaliyyəti dayandırılıb.

“Video hostinq güclü kiberhücuma məruz qalıb. İndi platformaya daxil olmaq mümkün deyil”, – Rutube mayın 9-da səhər bildirib.

Daha sonra hücumun lokallaşdırıldığı, təhlükəsizliyin təmin edilməsi istiqamətində iş aparıldığı bildirilib.

Eyni zamanda, Rusiyanın lenta.ru saytı da haker hücumu ilə üzləşib. Hakerlər müəyyən müddətə saytda Rusiyanın başladığı müharibənin əsl məqsədləri ilə bağlı məqalə yerləşdirərək, insanları müharidə əleyhinə çıxmağa çağırıblar.