2024-cü ildə Azərbaycanda həbsdə olan jurnalistlər 2024-cü ildə Azərbaycanda həbsdə olan jurnalistlər
Cəmiyyət

Rusiyapərəst blogerə 7 il həbs

Qazaxıstanın ən böyük şəhəri Almatıda tanınmış rusiyapərəst bloger Yermek Taiçibekov etniklərarası narazılığı qızışdırmaqda təqsirli bilinərək 7 il həbs cəzasına məhkum edilib.

Blogerin vəkili Qalim Nurpeysov və qardaşı Marlen Taiçibekov məhkəmənin avqustun 19-da qərar çıxardığını deyiblər.

Taiçibekov sentyabrda həbs edilib, mediada etnik nifrəti qızışdırmaqda ittiham olunub.

Saytların yığılması Saytlarin yigilmasi

Bloger o zaman qardaşına demişdi ki, “Rossiya Seqodnya” dövlət media qrupuna bağlı Ukraina.ru vebsaytına müsahibəsinə görə saxlanıb. Bu vebsayt əsasən xaricdə Rusiya xəbərləri və rəsmi propaqanda yayır.

“Rusofob siyasət”

Ötən ilin mayında Ukraina.ru-nun YouTube kanalında dərc olunmuş videoda Taiçibekov Rusiya İmperiyasının qara-sarı-ağ bayrağı fonunda müsahibəsində Qazaxıstan hakimiyyətinin “rusofob siyasət” yürütdüyünü iddia edib.

Taiçibekov 2015-ci ildə Facebook-da “qızışdırıcı” materiallar yerləşdirərək etnik nifrəti qızışdırmaq, Qazaxıstanın Rusiyaya birləşməsi ideyasını dəstəkləmək ittihamları ilə dörd il həbsə məhkum edilib. O, cəzasının iki ilini çəkəndən sonra 2017-ci ilin oktyabrında həbsdən buraxılıb.

2014-cü ildən bəri bir sıra qazaxıstanlılar internetdə separatçılığı və etnik nifrəti qızışdırmağa görə həbsə məhkum ediliblər. Rusiya həmin il Ukraynanın Krım vilayətini qanunsuz ilhaq edib, ölkənin şərqində separatçıları dəstəkləməyə başlayandan sonra Moskvanın postsovet respublikaları üzərində nüfuzuyla narahatlıq artıb.

Mənbə
“24 saat”

Saytların yığılması Saytlarin yigilmasi

Bənzər məqalələr

Bir cavab yazın

This site uses Akismet to reduce spam. Learn how your comment data is processed.

Back to top button