Səudiyyə Ərəbistanı Mülki Müdafiə Təşkilatının Twitter hesabından verilən açıqlamada, qrupların Mədinənin Vadi əl-Əqiq bölgəsində qapalı qalan 4 nəfəri xilas etdiyi bildirilib. Bildirilib ki, daşqın qurbanlarının sağlamlıq vəziyyəti yaxşıdır. Əl-İhbariyye kanalı bir əsgərin şəhərdə qapalı qalan uşağı xilas etdiyi anları da yayımlayıb.
“Sabk” qəzetinin internet saytındakı xəbərdə Mədinə-i Münəvvərə bölgəsində mülki müdafiə qruplarının sel səbəbiylə qapalı qalan çox sayda insanı xilas etdiyi bildirilib.
Xəbərdə mülki müdafiə qruplarının Vadi əl-Beydada 3, Xeybər vadisində 1, Təbuk yolunda 1 və Vadi Abyarda 1 nəfər olmaqla bir çox xilasetmə, təxliyyə və sığınacaq əməliyyatı həyata keçirdiyi bildirilib.
Mədinə bölgəsi bu həftə orta və ya güclü yağışların şahidi olur. Yağışlar səbəbindən rayon məktəblərində iki gündür ki, tədris onlayn davam edir.
Körfəzdəki digər ölkə Küveytdə də yağışlar təsirlidir.
Yerli KİV-in məlumatına görə, yağışlar səbəbindən bəzi ərazilərdə gölməçələr əmələ gəlib və nəqliyyatın hərəkəti çətinləşib.
Küveytin Daxili İşlər Nazirliyi də bəzi ərazilərdə görmə qabiliyyətinin azalması ilə əlaqədar vətəndaşlara diqqətli olmaları barədə xəbərdarlıq edib. (AA)
Tərcümə“24 SAAT”
