2024-cü ildə Azərbaycanda həbsdə olan jurnalistlər 2024-cü ildə Azərbaycanda həbsdə olan jurnalistlər
Dünya

Saakaşvili xəstəxana köynəyini qaldıraraq nə qədər zəiflədiyini göstərib

Gürcüstanın hazırda Tbilisidəki özəl klinikalardan birində müalicə olunan keçmiş prezidenti Mixeil Saakaşvili məhkəmə dinləməsi zamanı ona “adekvat müalicə imkanı verilməsini” rica edib.

Saytların yığılması Saytlarin yigilmasi

Məhkəmə onun cəzasına xitam verilməsi və keçmiş prezidentin intensiv müalicə üçün xaricə getməsinə imkan yaradılmasına dair vəsatətə baxır.

Gürcüstanda həbs edilmiş Saakaşvili ötən may ayından bəri Tbilisidəki Vivamedi özəl klinikasında müalicə olunur.

Həkimlər yanvar ayının əvvəllərində onun yüngül COVID-ə yoluxduğunu və buna görə də reanimasiya müalicəsinə ehtiyac olmadığını demişdilər.

“Mən bütün bilik və bacarığımı Gürcüstana vermişəm…”

2004-2013-cü illərdə Gürcüstanın prezidenti olmuş Saakaşvili vəzifə səlahiyyətlərinin aşılması ittihamı ilə 6 il müddətinə azadlıqdan məhrum edilib.

Müxalifət bu ittihamın siyasi motivli olduğunu bildirir.

Saakaşvilinin müalicə həkimləri bildiriblər ki, 2021-ci ilin oktyabrında həbsxanaya salınandan bəri onun səhhəti kəskin pisləşib.

Keçmiş prezidnet özünə qarşı bütün ittihamları rədd edir. O fevralın 1-də keçirilən məhkəmə dinləməsində videobağlantı ilə çıxış edib:

“Mən bütün bilik və bacarığımı Gürcüstana vermişəm…İndi etdiyim yeganə rica mənə adekvat müalicə almağım üçün imkan yaradılmasıdır”.

Hakim videobağlantını dayandırıb

Saakaşvilinin məhkəmə dinləməsində çoxsaylı texniki nasazlıqlar baş verib.

Bir epizodda Saakaşvili xəstəxana köynəyini qaldıraraq bədəninin nə qədər zəiflədiyini göstərib.

Hakim videobağlantını dərhal dayandırıb və keçmiş prezidentə əyinini tam geyindikdən sonra efirə qayıtmağa çağırıb.

Bu dinləmədən bir gün əvvəl Saakaşviliin yaxınları onun reanimasiyaya keçirildiyini bildirmişdilər.

Lakin az sonra xəstəxananın heyəti bu xəbəri təkzib edib.

Elə həmin gün Saakaşvilinin anası Gyuli Alasaniya demişdi ki, oğlu yenidən huşunu itirib və qızdırması 39 dərəcədən düşmür.

Xəstəxana Alasaniyanın dediklərini təsdiq etməyib, tibb müəssisəsinin direktoru Nino Nadiradze isə AzadlıqRadiosunun Gürcü xidmətinə deyib ki, Saakaşvili yerindən tərpədilməyib.

Yeməyini azaldıb, müalicədən imtina edib

24 saat” “
Saakaşvili xəstəxana köynəyini qaldıraraq nə qədər zəiflədiyini göstərib
” başlıqlı yazını “AzadliqRadiosu”na istinadən dərc edib

Xeberler

Saytların yığılması Saytlarin yigilmasi

Bənzər məqalələr

Bir cavab yazın

This site uses Akismet to reduce spam. Learn how your comment data is processed.

Back to top button