Sabah bəzi ərazilərdə qaz olmayacaq – SİYAHI
Sabah Bakının bir hissəsi qazsız qalacaq
Qaz verilişində fasilə Binəqədinin Cavadxan küçəsində diametri 159 mm-lik orta təzyiqli yeraltı qaz kəmərində aşkar olunmuş sızmaların ləğv edilməsi və yeni çəkilmiş xəttin təchizat mənbəyinə birləşdirilməsi ilə əlaqədardır.
24saat.org Azəriqaz-a istinadən xəbər verir ki, fasilə sabah saat 10:00-dan başlayacaq. Belə ki, rayonun 6, 7, 8 və 9-cu mikrorayonlarının, Rəsulzadə, Xutor, Biləcəri qəsəbələrində qazın verilişi müvəqqəti dayandırılacaq. Həmçinin Motodrom yaşayış sahəsinin bir hissəsində təbii qazın verilişində fasilələr yaranacaq. Fasilə təmir işləri tamamlananadək davam edəcək.
Görülən zəruri təmir işləri gün ərzində yekunlaşdırılaraq təbii qazın verilişində yaranacaq fasilə aradan qaldırılacaq.
Azəriqaz İstehsalat Birliyi bütün istehlakçılardan xüsusilə diqqətli olmalarını və texniki təhlükəsizlik qaydalarına riayət edilməsini xahiş edir.