2024-cü ildə Azərbaycanda həbsdə olan jurnalistlər 2024-cü ildə Azərbaycanda həbsdə olan jurnalistlər
Gündəm

Şahid: “AZAL prezidentinin xanımı “İdeal”dan hər il milyonlarla vəsait əldə edib”

“Zərifə Həmzəyevaya dəyəri milyonlarla ölçülən dividentin ödənişi hesabatlarda “Gazelli” adı altında sənədləşdirilirdi”

“Azərbaycan Hava Yolları” QSC-nin (AZAL) rəhbəri Cahangir Hacıyevin həyat yoldaşı Zərifə Həmzəyevaya “İdeal” mağazalarından hər il iki dəfə və hər dəfə də bir neçə milyon divident ödənilib. Bu barədə uzun müddət “İdeal Kompany” şirkətində mühasib işləmiş Samirə Quliyeva sentyabrın 6-da məhkəmədə ifadə verərkən danışıb. O, “İdeal”ın keçmiş sahibi, 2021-ci ilin aprelindən həbsdə olan iş adamı İlqar İsmayılovun məhkəməsində şahid qismində dindirilib.

2011-ci ildə AZAL prezidentinin xanımı “İdeal Company”nin 50 faizini alıb və şirkətin həmtəsisçisi olub. İlqar İsmayılov məhkəmədə ifadəsində bildirib ki, ara-sıra bağ evində görüşüb və yaxud elektron yazışmalar vasitəsilə Zərifə Həmzəyeva ilə şirkətlə bağlı məsələləri, gəlirlər və xərcləri müzakirə edirdilər. Amma onun şirkətdə daimi nümayəndəsi vardı – Fuad Şahvəliyev.

Saytların yığılması Saytlarin yigilmasi

Şahid Samirə Quliyeva da şirkətdə Fuad Şahvəliyevi tanıdığını bildirib. Onun sözlərinə görə, şirkətin kassasından çıxarılan bütün vəsaitlərdən həm İlqar İsmayılovun, həm də Fuad Şahvəliyevin məlumatı olurdu. Şahid deyir ki, şirkətin xəzinəsində edilən bütün əməliyyatlar barədə günün sonunda hesabatlar hazırlanırdı. Növbəti gün səhər həmin hesabatlar İlqar İsmayılova, Fuad Şahvəliyevə və maliyyə məsələlərinə məsul olan başqa vəzifəli şəxslərə göndərilirdi.

Samirə Quliyeva bildirib ki, “İdeal”ın gəlirlərindən digər təsisçi Zərifə Həmzəyevaya dəyəri milyonlarla ölçülən dividentin ödənişi hesabatlarda “Gazelli” adı altında sənədləşdirilirdi. Yəni Zərifə Həmzəyevaya çatası vəsaitlər onun rəhbərlik etdiyi, kosmetik məhsulların istehsalıyla məşğul olan başqa bir şirkətin hesabına köçürülüb.

Samirə Quliyeva dindirmə zamanı deyib ki, İlqar İsmayılovun adına bankdan ayrılmış kreditin “İdeal”ın xəzinəsinə köçürülməsi halları olurdu. Onun sözlərinə görə, məsələn, İlqar İsmayılovun adına “SilkWayBank”dan götürülmüş krediti bankın inkassatorunun nağd şəkildə gətirib “İdeal Kompany”nin kassasına köçürdüyünü xatırlayır. Kredit İlqar İsmayılovun adına götürülsə də, şirkətin fəaliyyətinə sərf olunduğuna görə ödəniş qrafikləri əsasında aylıq ödənişlər də şirkətin kassasından həyata keçirilib.

“Səhv etmirəmsə, həmin kredit üzrə aylıq ödəniş 36 min manat idi…”, – şahid bildirib.

İlqar İsmayılovun adına Zərifə Həmzəyevaya məxsus, hazırda “Premium Bank” adlanan sözügedən bankdan ayrılmış 5 milyon manatlıq kreditlə əlaqədar iş adamı məhkəmədə bildirmişdi ki, həmin vəsait şirkəti inkişaf etdirmək, mağazaların sayını artırmaq üçün ayrılıb. Digər təsisçi Zərifə Həmzəyeva və bankın idarəçisi olan adamları məsləhət görüb ki, kredit şirkətin adına yox, İlqar İsmayılovun öz adına rəsmiləşsin. O da razılaşıb. Lakin kredit məbləği şirkətə çatıb. Ona görə şirkətin xəzinəsindən sonradan həmin kreditin aylıq ödənişi üçün vəsait ayrılıb.

Cinayət işinin materiallarında isə iddia olunur ki, İlqar İsmayılov şirkətin xəzinəsindən götürdüyü vəsaitləri şəxsi ehtiyaclarına xərcləyib, mənimsəyib.

İlqar İsmayılovun vəkilləri şahid Samirə Quliyevaya İlqar İsmayılovun şirkətin kassasına ümumilikdə 5 milyona qədər vəsait mədaxil etməsinə dair kassa-mədaxil qəbzlərini göstəriblər. O sənədlərdə Samirə Quliyevanın da imzası var. O, qəbzləri Samirə Quliyeva mühasib kimi imzalayıb. Şahid həmin imzaların ona məxsus olduğunu və bu vəsaitləri İlqar İsmayılovun şirkətə köçürdüyünü təsdiqləyib.

İlqar İsmayılov 2011-2017-ci illərdə vəzifəsindən sui-istifadə edərək, 680 min manata yaxın vəsaiti mənimsəməkdə təqsirləndirilir. Ona qarşı Cinayət Məcəlləsinin 179.3.2 (külli miqdarda məınimsəmə) və 308.2 (vəzifədən sui-istifadə etmə) maddələri ilə ittiham irəli sürülüb. Lakin o, ittihamları qəbul etmir.

İş adamı bildirib ki, “İdeal”dakı payını və əmtəə nişanını vermək istəmədiyinə görə ilk dəfə 2017-ci ildə şərlənib həbs olunub, o zaman 3 ay 10 gün həbsdə saxlanıb. Şirkətdəki payından və əmttə nişanı hüququndan imtina etməsi haqda sənədləri imzalayandan sonra həbsdən buraxılıb. 3 il dözsə də, sonra hüququnu tələb etməyə başlayıb. Ardınca yenidən həbs olunacağı barədə xəbərdarlıq edilib.

İlqar İsmayılov həbsinə və şirkətin əlindən alınmasına görə AZAL rəhbəri Cahangir Əsgərovu ittiham edir. O, həbsindən bir neçə gün əvvəl “Facebook” hesabından paylaşımında da yazmışdı ki, 2017-ci ildə AZAL rəhbərinin kabinetində Cahangir Əsgərovun özü və həyat yoldaşı Zərifə Həmzəyevanın hədə və tələbilə Samir Əliyev adlı şəxsi “İdeal Kompany”nin direktoru təyin etmək məcburiyyətində qalıb.

Zərifə Həmzəyevanın hüquqşünası İlqar İsmayılovu böhtana görə xüsusi ittiham qaydasında məhkəməyə versə də, məhkəmə sonda iş adamını haqlı sayıb və onun haqqında bəraət hökmü çıxarıb.

“İdeal”ın idarəçiləri 2020-ci ildə “Sabina” mağazalar şəbəkəsini də alıb. Bu iki şirkət “Adore Company”ə daxil edilib. “Adore Company”nin rəhbərliyində bir neçə ay əvvəl dəyişiklik olub. Bu ilin yanvarında şirkətin direktoru Samir Əliyev Nərmin İsmayılova əvəzləyib.

AZAL rəhbərinin xanımı Zərifə Həmzəyeva “Premium Bank”ın da əsas səhmdarı, “Gazelli Group”un da rəhbəridir (Meydan TV). 

Saytların yığılması Saytlarin yigilmasi

Bənzər məqalələr

Bir cavab yazın

This site uses Akismet to reduce spam. Learn how your comment data is processed.

Back to top button