Erməni “vor zakon”lar İrəvana qaçdılar
Rusiya kriminalitetinin “xaç ata”sı “Şakro” nun həbsindən sonra oğru dünyasında sular durulmur.
24.saat.org Rusiya mətbuatına istinadən xəbər verir ki, Zaxari Kalaşnikov həbs olunandan sonra oğru kassası ( obşak) uğrunda savaş gedir.
Zaxaridən sonra “obşak”a onun yaxın adamı, Dato Ozmanov (Dato Krasnadarski) nəzarət edirdi.
“Şakro” həbs olunmamışdan onun əhatəsində olan oğrular “Qlden Palas” otelində toplanırdılar. Bura onların ofisi kimi idi. Otelə tanınmış erməni oğru Konstantin Manukyan nəzarət edirdi. Zaxarinin diğər erməni dostu, Ara Aramavirskiy də hər gün bura baş çəkirdi.
Məhz bu oğrular bir ara İrəvanda toplantı keçirərək mərhum Rövşən Lənkaranskinin titulunu əlindən almağa cəhd etmişdilər.
Zaxarinin həbsindən sonra bu klanın mövqeləri zəiflədi. İstintaq zamanı bəlli oldu ki, “Şakro” azadlığa tezliklə çıxmayacaq.
Bu diğər klanları hərəkətə gətirdi.
Kaxa Qalskiy ləqəbli qanuni oğru Kaxa Parpaliya oğru kassasını Dato Ozmanovdan aldı. Adamıları pərən-pərən düşmüş Datonun harda olması məlum deyil.
Eyni zamanda Gela Kardavanın menqrel klanı “Şakro”nun adamları üzərinə getdi. Az zamanda Zaxarinin adamları mövqelərini ona verib qaçdılar.
Onların arasına Rövşənin keşmiş düşmənləri Konstantin Manukyan və Ara Aramavirskiy də var.
Hər ikisi hazırda İrəvanda gizləniblər, Rusiyaya qayıda bilmirlər.
İlqar