Xəbərlər
Salyanda ev yanıb
Bu gün günorta saatlarında Salyan şəhərində imkansız ailələr üçün salınmış şəhərcikdəki evlərdən birində qəfil yanğın baş verib.
Virtualaz.org-un Şirvan bürosunun məlumatına görə, Həsən Məmmədov küçəsi, 46 ünvanında yerləşən evin sahibi Rafiq Sadıqov yanğın zamanı işdə olub. Həyat yoldaşı isə 2 azyaşlı uşağını məktəbdən gətirməyə getdiyindən, xəsarət alan olmasa da, ev əşyaları ilə birlikdə yanıb.
Hadisə yerinə gəlmiş FHN-nin yanğınsöndürənləri yanğını lokallaşdıraraq yanaşı yerləşən evlərə keçməsinin qarşısını alıblar.
Faktla bağlı araşdırmalara başlanılıb.
