Gündəm
Sankt-Peterburq metrosunda partlayışla bağlı 8 nəfər saxlanılıb
Sankt-Peterburq metrosunda törədilən partlayışla bağlı açılan cinayət işi üzrə 8 nəfər saxlanılıb.
Bu barədə Rusiya İstintaq Komitəsinin rəsmi nümayəndəsi Svetlana Petrenkonun bəyanatında bildirilir.
Məlumata görə, onlardan 6-sı Sankt-Peterburqda, 2-si isə Moskvada saxlanılıb.
Bildirilir ki, saxlanılan şəxslərin evlərinə baxış zamanı döyüş sursatları, odlu silah, həmçinin partlayıcı qurğular aşkar edilib.
Aprelin 3-də Sankt-Peterburq metropolitenində törədilən partlayış nəticəsində biri azərbaycanlı olmaqla 14 nəfər ölüb, 50-dən çox insan yaralanıb.
24saat.org
Mənbə – azadliq.info