Şarmazanov: “Rusiya ilə sazişdə Dağlıq Qarabağın adı çəkilmir”
Rusiya ilə Ermənistanın Hava Hücumundan Birləşmiş Müdafiə Sistemi sazişində Dağlıq Qarabağın adı heç bir halda xatırlanmır.
Virtualaz.org Sputnik-Armeniyaya istinadən bildirir ki, bunu Ermənistan Milli Məclisinin vitse-spikeri və hakim Respublika Partiyasının mətbuat katibi Eduard Şarmazanov deyib.
“Bu sazişdə Qarabağla bağlı nə bir nöqtə, nə də bir vergül var”, -deyə o, partiyanın İcra orqanının iclasından sonra jurnalistlərə verdiyi açıqlamasında bildirib.
O qeyd edib ki, bu saziş Ermənistana Rusiya Hava Hücumundan Müdafiə Sisteminin geniş imkanlarından yararlanmaq şansı verəcək.
Vitse-spiker onu da vurğulayıb ki, sazişi asasən onun mətnindən xəbəri olmayanlar tənqid edirlər: “Bu sazişdə söhbət Rusiyanın Belarus və ya Qazaxıstanla olduğu kimi “birgə sistem”dən yox, “birləşmiş sistem”dən gedir. Bu isə o deməkdir ki, Rusiya və Ermənistan tərəfləri öz müstəqilliklərini saxlayırlar”.
