Somalidə təhlükəsizlik gücləri islamçı silahlı sandıqları naziri öldürdü
Somalidə təhlükəsizlik gücləri islamçı silahlı sandıqları 31 yaşındakı naziri yanlışlıqla öldürüb.
Səlahiyyətlilər Tikinti naziri Abdullahi Şeyx Abasın paytaxt Mogadişudakı prezident sarayı yaxınlığında maşınının içində silahla vurularaq öldürüldüyünü açıqlayıb. Dövlət Başçısı Məhəmməd Farmaajo hadisənin ardından Efiopiya ziyarətini yarıda kəsərək ölkəyə geri dönüb. Ölkədə təhlükəsizlik gücləri paytaxt Mogadişuda silahlı hücumlara və intihar hücumlarına qarşı mübarizə aparır.
Təhlükəsizlik qüvvələrinin daha əvvəl də rəsmi vəzifəliləri öldürdüyü haqqında faktlar var. Lakin nazir Abasın “dost atəşi” ilə vurulan ən yüksək səviyyəli səlahiyyətli olduğu söylənir. Abas vətəndaş müharibəsi və qıtlıqdan qaçan yüz minlərlə somaliliyə ev sahibliyi edən Keniyadakı Dadaab Qaçqın düşərgəsində böyümüşdü. O, 31 yaşında keçən ilin noyabr ayında ölkə tarixinin ən gənc naziri olmuşdu.
azadliq.info
24saat.org
Mənbə – azadliq.info