Son xəbər: Federal Təhqiqat Bürosunun (FTB) ABŞ prezidenti Co Baydenin Delaver əyalətindəki evində məxfi sənədlərin araşdırılması çərçivəsində axtarış apardığı öyrənilib.
Baydenin məsləhətçilərindən biri olan Riçard Sauber yanvarın 9-da Baydenin Penn Bayden Mərkəzindəki şəxsi ofisində 2022-ci il noyabrın 2-də vitse-prezident vəzifəsində işlədiyi vaxtdan qalan “məxfi məlumatları ehtiva edən bir neçə sənədin” olduğunu söylədi.
Sənədlərin “kilidli şkafda” olduğunu bildirən Sauber, sənədlər tapılan kimi Baydenin şəxsi vəkillərinin Ağ Ev və milli arxivlərlə bağlı dövlət qurumları ilə əlaqə saxladığını bildirib.
Bayden məxfi sənədlərin ofisindən çıxdığını eşidəndə “təəccübləndiyini” bildirib və sənədlərin məzmunu barədə məlumatının olmadığını deyib.
Prezident Bayden, FTB agentləri 8 avqust 2022-ci ildə Trump-ın Palm Beachdəki Mar-a-Lago malikanəsində axtarış apardıqdan sonra, məxfi sənədlər tapıldıqdan sonra “Biri necə bu qədər məsuliyyətsiz ola bilər?” şərh etmişdi.
Bu mövzuda Trampı tənqid edən Baydenin iqamətgahından məxfi sənədlərin aşkarlanması qarşısında Respublikaçılar prezident Baydenə qarşı tənqidlərini artırıblar.
Ədliyyə Nazirliyi sözügedən sənədləri araşdırmaq üçün xüsusi səlahiyyətli prokuror təyin edib. (AA)
Tərcümə“24 SAAT”
