Son xəbər: Dəhşətli hücum Pakistanın Hayber Paxtunxva əyalətində baş verib. İlkin məlumata görə, günorta namazı vaxtı məscidə edilən intiharçı hücumda aralarında polislər də daxil olmaqla 17 nəfər ölüb, 90-dan çox adam yaralanıb.
Milli medianın məlumatına görə, şəhərin Polis Xəttləri ərazisindəki məsciddə günorta namazı vaxtı intihar hücumu baş verib.
Hücum zamanı ilkin məlumatlara görə, polis əməkdaşları da daxil olmaqla 17 nəfər ölüb, 90-dan çox adam yaralanıb.
Rəsmilər yaralılardan 10-nun vəziyyətinin ağır olduğunu bildirib.
Hücum zamanı məsciddə təxminən 150 nəfərin olduğunu bildirən rəsmilər ölənlərin sayının artacağından narahatdırlar.
Partlayış nəticəsində ətrafdakı tikililərə və maşınlara, eləcə də məscidə ziyan dəyib.
Sosial mediada əks olunan görüntülərdə partlayış nəticəsində məscidin böyük hissəsinin dağıldığı görülüb.
Hələlik heç kim hücuma görə məsuliyyəti üzərinə götürməyib.
Pakistan Talibanı (TTP) son zamanlar hücumlarını artırıb.
28 noyabr 2022-ci ildə TTP sosial mediada 10 may 2022-ci ildə İslamabad rəhbərliyi ilə başlatdığı atəşkəsin sona çatdığını və üzvlərinə ölkə daxilində təhlükəsizlik qüvvələrinə hücum əmri verdiyini açıqladı.
Pakistan TTP-ni terror təşkilatı hesab edir.
İslamabadda yerləşən Təhlükəsizlik Araşdırmaları və Tədqiqat Mərkəzinin (CRSS) paylaşdığı məlumatlara görə, 2022-ci ildə Pakistanda 506 terror aktı nəticəsində 290 təhlükəsizlik qüvvələri və 311 mülki şəxs olmaqla 601 nəfər həlak olub, 741 nəfər yaralanıb.
Hücumların əksəriyyəti Əfqanıstan-Pakistan sərhəd bölgələrində həyata keçirilib. TTP, Bəlucistan Azadlıq Ordusu (BLA) və DEAŞ-H kimi təşkilatlar bu hücumların əksəriyyətinə görə məsuliyyəti öz üzərinə götürüb.
2022-ci ildə Pakistanda terror hücumları əvvəlki ilə nisbətən 15 faiz artıb.
(AA)
Tərcümə“24 SAAT”