2022-11-21 15:32:07
Dünyanın gözü və qulağı fevralın 24-dən Ukraynadan gələn xəbərlərdədir.
Müharibə can almağa davam edərkən, Türkiyə başda olmaqla bir çox ölkə diplomatiya yolu ilə axan qanı dayandırmağa çalışır.
Türkiyənin təşəbbüsləri ilə taxıl müqaviləsinin müddəti uzadılıb və əsir mübadiləsi aparılıb.
Bu hadisələri dəyərləndirən NATO-nun baş katibi Stoltenberq “Ərdoğanın çox əsas və mühüm rol oynadığını” deyib.
Prezident Rəcəb Tayyib Ərdoğanın həyata keçirdiyi “aparıcı diplomatiya” ilə yanaşı, milli müdafiə naziri Hulusi Akarın həmkarları ilə sıx təması və qırmızı xəttin yenidən aktivləşdirilməsi də taxıl dəhlizinin açıq qalmasında təsirli olub.
Taxıl dəhlizi sazişi iyulun 22-də İstanbulda BMT və Türkiyənin vasitəçiliyi ilə Rusiya və Ukrayna arasında imzalanıb. Moskva administrasiyası razılaşma çərçivəsində olsa da, öz ərzaq məhsullarını və gübrələrini ixrac edə bilmədiyini bəyan edib və buna nail olunmayacağı təqdirdə noyabrın 19-da razılaşmadan çıxmağa hazır olduğunu vurğulayıb.
Müqavilənin imzalanmasından indiyədək 11 milyon tondan çox taxıl məhsulları göndərilib.
Tərcümə“24 SAAT”