Qaynar Xəbərlər: Braziliyada keçirilən prezident seçkilərinin ikinci turunda solçu eks-prezident Luiz İnasio Lula da Silva 50,83 faiz səslə qalib gəlib. Braziliya Ali Seçki Məhkəməsinin (TSE) seçki nəticələrini paylaşdığı internet saytında seçkinin riyazi şəkildə tamamlandığı və açılmamış qutuların nəticəyə təsir etməyəcəyi bildirilib.
Daha əvvəl Braziliyanı iki müddət idarə edən Lula seçkilərdə 2 faizdən az fərqlə qalib gəlib. Lula öz Twitter hesabında “Demokratiya” qeydi olan Braziliya bayrağını paylaşıb.
Luiz İnasio Lula da Silva 2023-cü il yanvarın 1-dən prezident postunu Bolsonarodan təhvil alacaq.
2003-2010-cu illərdə iki müddət Braziliya prezidenti olmuş 77 yaşlı Lula da Silva korrupsiya iddialarına görə 1 il yarım həbsdə olub və işlərə xitam verildikdən sonra yenidən prezidentlik yarışına çıxıb.
İşçi Partiyasının ilk prezidenti Lula da Silva həmkarlar ittifaqı kökləri ilə həyata keçirdiyi sosial yardımlar sayəsində 30 milyona yaxın braziliyalının yoxsulluqdan xilas olmasına kömək edərək braziliyalıların sevgisini qazandı.
Lula da Silva 2010-cu il dekabrın 31-də prezidentlikdən istefa verənə qədər populyar bir lider kimi seçildi, lakin 2011-ci ildə ona və partiyasına qarşı korrupsiya ittihamlarının kölgəsində qaldı.
Korrupsiya işlərinə görə 580 gün həbsdə olan Lula da Silvanın məhkum olunması Bolsonaronun 2018-ci ildə qalib gəldiyi seçkilərdə namizəd olmasına mane olub.
2019-cu ilin noyabrında sərbəst buraxılan Lulanın cəzaları və korrupsiya işləri 2021-ci ildə Ali Məhkəmə tərəfindən ləğv edildi və bu işlərə baxan hakim Sergio Moronun işlərdə qərəzli və siyasi olduğuna qərar verdi və onun seçilməsinə zəmin hazırladı.
Bu arada Bolsonaro hökumətində 1 yanvar 2019-cu ildən 24 aprel 2020-ci ilə qədər ədliyyə naziri vəzifəsində çalışan Sergio Moro aralarındakı fikir ayrılığına görə istefa verib. (AA)
Tərcümə“24 SAAT”