Son xəbər: Rusiya ilə müharibəsini davam etdirən Ukraynada dəhşətli helikopter qəzası baş verib. Brovarı şəhərində uşaq bağçasının yaxınlığında helikopter qəzaya uğrayıb. Ərazidən alovlar qalxıb. Qəza nəticəsində 16 nəfərin öldüyü, yaralananların olduğu bildirilib. Ölənlər arasında Ukraynanın daxili işlər naziri Denis Monastirskiy, onun müavini və müşavirin də olduğu öyrənilib.
İHA-nın məlumatına görə, Ukraynanın Kiyev vilayətinin Brovarı şəhərində helikopter uşaq bağçası və binanın yanında qəzaya uğrayıb. Qəzadan sonra yanğın başlayıb, bölgəyə təcili yardım, polis və yanğınsöndürmə qrupları göndərilib.
Kiyev qubernatoru Oleksiy Kuleba Telegram hesabında verdiyi açıqlamada ölən və yaralananların olduğunu, qəza zamanı uşaq bağçasında işçilər və uşaqların olduğunu, hər kəsin təxliyə edildiyini bildirib.
Helikopterin qəzaya uğraması nəticəsində daxili işlər naziri Denis Monastirski, onun müavini və müşaviri də daxil olmaqla 16 nəfər həlak olub.
Denis Monastirsky
Digər tərəfdən qəza ilə bağlı sosial mediada paylaşılan görüntülərdə helikopterin parçalandığı görülüb.
Helikopterin qəzaya uğraması ilə bağlı Ukrayna Daxili İşlər Nazirliyindən açıqlama verilib. Təxribat ehtimalı nəzərə alınaraq bəyanatda aşağıdakı ifadələr yer alıb:
“Faciənin səbəbləri müstəntiqlər tərəfindən araşdırılır. Bu, təxribat, avadanlığın nasazlığı və ya uçuş təhlükəsizliyinin pozulması olub-olmadığını yaxın vaxtlarda öyrənəcəyik”.
Tərcümə“24 SAAT”