“Son illər Ərdoğan Türkiyəni çox ciddi olaraq Avropadan uzaqlaşdırıb…”
Xəbər verdiyimiz kimi Almaniya Bundestaqı qondarma erməni soyqırımı haqda qanun qəbul edib.
Azərbaycanın Avropa Şurasındakı keçmiş səfiri Arif Məmmədov Moderator.az – a açıqlamasında deyir ki, qondarma syqırımın tanınması Avropanın Türkiyəyə qarşı olan təzyiqlərin nəticəsidir:
“Almaniyanın qondarma erməni soyqırımını tanıması Avropanın Türkiyəyə qarşı olan təzyiqin nəticəsidir. Artıq Avropanın ondan artıq ölkəsi müxtəlif səviyyələrdə qondarma erməni soyqırımını tanıyıb. Son illər Ərdoğan Türkiyəni çox ciddi olaraq Avropadan uzaqlaşdırıb və demək olar ki, dialoq yoxdur. Yalnız qarşılıqlı təhdidlər eşitmək olur. Türkiyə bir çox ciddi geosiyasi problemlərlə üzləşib. Türkiyə Avropadan uzaqlaşmaq istiqamətini saxlasa problemlər həm də iqtisadi sahəyə ciddi təsir göstərəcək.”
