“Son olaylar Türkiyənin Qarabağ probleminə təsir imkanlarını azaltmayıb”
Qabil Hüseynli: “Türkiyə çox tezliklə yaralarını sağaldacaq və bütün problemlər qaydasına düşəcək”
Türkiyədə baş verən son proseslərin Azərbaycanda da böyük diqqət və gərginliklə izlənildiyi birmənalıdır.
Maraqlıdır, Türkiyədə ysşsnsn hərbi çevrilş cəhdi və ondan sonra yaşanan proseslər qardaş ölkənin Qarabağ probleminin həllinə təsir imkanlarını zəiflədə bilərmi?
Bununla bağlıModerator.az-a açıqlama verən politoloq Qabil Hüseynli baş verənlərin Türkiyənin Qarabağ probleminin həllinə təsir imkanlarını azaltmayacağını vurğuladı:
“Bu barədə hazırkı məqamda qəti fikir yürütmək olmaz. Çünki hazırda Türkiyə öz daxili problemlərinin həlli ilə məşğuldur. Hesab edirəm ki, Türkiyə hələ ki, Dağlıq Qarabağ probleminin həllinə aktiv şəkildə qoşula bilməz. Lakin mən güman etmirəm ki, Türkiyənin Qarabağ probleminə təsur imkanları zəifləyib. Türkiyə çox tezliklə yaralarını sağaldacaq və bütün problemlər qaydasına düşəcək. Bundan sonra Azərbaycan-Türkiyə münasibətləri də dinamik surətdə inkişaf edəcək”.
Seymur Əliyev
