Loading...
Loading...
Siyasət

Şotlandiya daha bir müstəqillik referendumu istəyir

Belə bir referendumun keçirilməsinə Britaniya hökuməti icazə verməlidir
Britaniyada Şotlandiyanın birinci naziri Nikola Störcen iyunun 14-də muxtar vilayətin paytaxtı Edinburq şəhərində keçirdiyi mətbuat konfransında deyib ki, Şotlandiyanın Birləşmiş Krallıqdan ayrılmasına dair daha bir referendumun keçirilməsinə hazırlıq işlərinə başlanıb.
Şotlandiya hökumətinin rəsmi saytında dərc olunmuş sənəd “Müasir dünyada müstəqillik. Daha sağlam, daha xoşbəxt, daha ədalətli. Niyə də Şotlandiya olmasın?” adlanır.
Bu sənəddə Şotlandiyada yeni dövlət quruculuğunun müddəaları açıqlanır.
Bu sənədə önsözdə xanım Störcen yazır ki, hazırda “Breksitdən və Boris Consondan sonra yeni Şotlandiyanın” qurulması üçün ən yaxşı məqamdır.
Şotlandiyanın birinci naziri əmindir ki, Londonun hakimiyyəti altında Şotlandiya yalnız geri qalır.
O bildirib ki, Şotlandiyanın seçkili birinci siması kimi ikinci referendumun keçirilməsinə “aydın və aşkar” mandata malikdir.
Xanım Störcen deyib ki, əgər Birləşmiş Krallıq hökumətinin “demokratiyaya hər hansı hörməti” varsa, Şotlandiyaya referendumun keçirilməsi üçün icazə verilməlidir.
O deyib ki, Boris Consona bu referendumun şərtlərini istənilən vaxt müzakirə etməyə hazır olduğunu bildirib.

London icazə verməyə meylli deyil
Belə bir referendumun keçirilməsinə Britaniya hökuməti icazə verməlidir.
Nikola Störcen işarə edib ki, London belə bir icazəni verməkdən imtina etsə, onda başqa hüquqi zəmin hazırlanacaq.
Baş nazir Boris Conson deyib ki, indi referendum barədə danışmaq üçün heç də ən münasib vaxt deyil.
O bundan əvvəl Şotlandiyada daha bir müstəqillik referendumunun keçirlməsinə yol verilməyəcəyini demişdi və bildirmişdi ki, bu barədə son referendum 2014-cü ildə keçirilib.
O vaxt şotlandların 55 faizi Britaniyanın tərkibində qalmağa səs vermişdi. Amma həmin referendum keçirilərkən hələ Britaniyanın Avropa İttifaqının tərkibindən çıxması barədə qərar qəbul edilməmişdi.
Şotlandiya millətçiləri hesab edirlər ki, 2014-cü il referendumu Breksitdən sonra keçirilsəydi nəticə köklü şəkildə fərqli ola bilərdi.
Breksit referendumunda Şotlandiya əhalisinin böyük hissəsi Aİ tərkibində qalmağa səs vermişdi.
Son ictimai rəy sorğuları göstərir ki, indi Şotlandiyada müstəqillik tərəfdarları və əleyhdarlarının faizi təxminən eynidir, amma referendumun keçirilməsini rəyi soruşulan hər üç nəfərindən yalnız biri istəyir.

Şotlandiyanın birinci naziri Nikola Störcen

24 saat” “
Şotlandiya daha bir müstəqillik referendumu istəyir
” başlıqlı yazını “AzadliqRadiosu”na istinadən dərc edib

Xeberler

Gözdən qaçırmayın:  Əvvəl 'məhdud yararlı' sayılan cəbhəçi xidmətə aparılır

This site uses Akismet to reduce spam. Learn how your comment data is processed.

Back to top button