Suriya prezidenti Bəşər Əsəd 12 il sonra Ərəb Liqasının Sammitində: Regiondakı böhranları həll etmək üçün tarixi fürsət
Suriya prezidenti Bəşər Əsəd 12 il sonra Ərəb Liqasının Sammitində iştirak edib. Əsəd sammiti “bölgədəki böhranların həlli üçün tarixi fürsət” adlandırıb.
Zirvədən əvvəl Əsədi Səudiyyə Ərəbistanının vəliəhd şahzadəsi Məhəmməd bin Salman qarşılayıb. Vəliəhdlə əl sıxaraq mətbuata qısa pozalar verən Əsəd görüşün keçiriləcəyi zala gedib. Liderlərin gəlişindən sonra görüş başlayıb. Əsədin yenidən Ərəb Liqasına qoşulması Suriyanın birlikdən təcrid olunmasının sona çatdığını göstərir.
Suriyanın Ərəb Liqasına üzvlüyü prezident Bəşər Əsədin ölkədə 2011-ci ildə başlayan vətəndaş müharibəsində hökumət əleyhinə fəallara qarşı repressiya və zorakı müdaxilə əmrindən sonra dayandırılıb. Mayın 7-də Misirin paytaxtı Qahirədə keçirilən toplantıda Ərəb Liqasına üzv 22 ölkənin xarici işlər nazirlərinin qəbul etdiyi qərardan sonra Səudiyyə Ərəbistanının kralı Salman bin Əbdüləziz Əl Səud Əsədi mayın 10-da keçiriləcək sammitə dəvət edib. .