Suriya: SDQ Raqqanın qərbində yerləşən hava bazasını ələ keçirib
ABŞ-ın dəstəklədiyi Suriya Demokrat Qüvvələri (SDQ) Raqqanın 45 kilometrliyində yerləşən Tabqa Hava bazasının İD-dən “tamamilə geri alındığını” bəyan edib.
SDQ nümayəndəsi Talal Sello dünən axşam saatlarında “Reuters” agentliyinə vediyi açıqlamada hava bazasının 60 faizinin onların nəzarətində olduğunu və bir neçə saat ərzində nəzarəti tam ələ keçirəcəklərinə ümid etdiyini bildirmişdi.
Suriyanın Londonda mənzillənən İnsan Haqqları Müşahidə Şurası da hava bazasının SDQ-nin nəzarətinə keçməsi barədə məlumatları təsdiqləyib.
Tabqa Hava Bazası 2014-cü ildən bu yana özünü İslam Dövləti (İD) adlandıran qruplaşmanın nəzarətində idi.
Suriyanın şimalında kürdlərin yaratdığı Xalq Müdafiə Birlikləri (YPG ) rəhbərliyi altında yaradılan SDQ ötən ilin ilin noyabr ayından ABŞ-ın dəstəyilə Raqqa istiqamətində əməliyyatlara başlayıb.
24saat.org
Mənbə – azadliq.info
