Bakı/15.09.21 Bu gün erməni işğalından azad olunmuş Şuşa şəhərində Azərbaycanın bir qrup hərbi qulluqçusunun Qafqaz İslam Ordusunun ölkə paytaxtını azad etməsinin 103-cü ildönümünə həsr olunmuş yürüşü keçirilib. 150 hərbi qulluqçunu hərbi orkestr müşaiyət edib.

Şuşa şəhər Dövlət Qoruğunun İdarə Heyətinin sədri Məftun Abbasov yürüşün videogörüntülərini paylaşıb.

Xatırladaq ki, 1918-ci il sentyabrın 15-də Qafqaz İslam Ordusu (Türkiyə və Azərbaycan hərbi birləşmələrindən ibarət idi) ağır döyüşlərdən sonra Bakını bolşevik-daşnak qüvvələrindən azad edib. Bu, müstəqil dövlətin – Azərbaycan Xalq Cümhuriyyətinin qurulmasında mühüm mərhələ olub və hökumətin Gəncədən Bakıya köçməsinə imkan verib.  -02D-

Saytların yığılması