Təcili: İsrail Rəfah Sərhəd Keçidini açır

İsrail sanksiyaları ləğv etdi: Rəfah keçidi açılır

İsrail hökuməti, Hamas-a qarşı bu gün tətbiq edəcəyini elan etdiyi sanksiyaları ləğv etmək qərarına gəlib. İsrailin siyasi rəhbərliyi, Qəzzanın Misirlə sərhədində yerləşən Rəfah keçidinin planlaşdırıldığı kimi bu gün açılmasına və humanitar yardımların razılaşmaya uyğun olaraq davam etməsinə qərar verib.

Hamas-ın gecə saatlarında Qəzza zolağındakı İsrailli əsirlərin cəsədlərindən dördünü təhvil verməsi və bu gün də bəzi nəəşləri təqdim edəcəyi gözləntisinin İsrailin bu qərarında təsirli olduğu bildirilir.

Rəfah sərhəd buraxılış məntəqəsi niyə əvvəl açılmamışdı?

Hamas ilə əldə olunan atəşkəs razılaşmasına baxmayaraq, İsrail əvvəlcə Rəfah Sərhəd Buraxılış Məntəqəsini çərşənbə günü açmayacağını bəyan etmişdi. İsrail bu qərarına bəhanə olaraq Hamas-ın əlindəki bütün İsrailli əsirlərin cəsədlərinin təhvil verilməsindəki gecikməni göstərmişdi.

Hamas, əsirlərin mübadiləsi çərçivəsində gecə saatlarında Qəzza zolağında olan daha dörd İsrailli əsirin nəəşini Qırmızı Xaç Komitəsinə təhvil vermişdi. Beləliklə, atəşkəs və əsir mübadiləsi razılaşması çərçivəsində Hamas, Qəzzadakı 28 ölü əsirdən 8-inin cəsədini təhvil vermiş oldu.

İsrailin Qəzzada iki il davam edən soyqırımı xarakterli hücumları və İsrail ordusunun Qəzzanın müəyyən hissələrində davam edən işğalı səbəbindən, Hamas-ın bütün cəsədlərin yerini müəyyən etməsinin çətin olduğu tərəflər arasında atəşkəs razılaşmasında qəbul edilmişdi.

Bu səbəbdən, Qəzzadakı İsrailli ölü əsirlərin cəsədlərinin tapılmasına kömək etmək üçün Türkiyə, Qətər, Misir və ABŞ nümayəndələrinin iştirak etdiyi bir komitənin yaradılması qərara alınmışdı.

24 saat