Təkzib
2014-cü il aprel ayında Ağcəbədi rayonundan “Sonxeber.info” saytının elektron ünvanına naməlum şəxs tərəfindən “Atena” süd kombinatı ilə bağlı məlumat daxil olub.
Həmin məlumatda bildirilirdi ki, guya Ağcabədi rayonu Ağabəyli kəndində yerləşən “Atena” süd məhsulları kombinatına qardaş Türkiyədən dəvət olunmuş mütəxəsis Ahmet Benan Baturun müəssisədə çalışan 40 sıravi və 2 rəhbər şəxsi işdən azad etmiş və bu üzdən işçilər etiraz aksiyası keçirmişlər. Məlumatda o da qeyd olunurdu ki, bu şəxs PKK üzvüdür və burada işləyənlərlə kobud davranır, onları təhqir edir.
Verilən məlumatın qərəzli olması sonradan məlum olub. Təəsüf ki, “Sonxeber.info” saytının əməkdaşının məsuliyyətsizliyi ucbatından faktlar yoxlamadan dərc olunub. Doğrudur, məqalə tez bir zaman ərzində “Sonxeber.info” saytından silinsə də, qısa zaman kəsiyində başqa saytlarda da icazəsiz olaraq dərc edilib. Beləliklə, həm “Atena” şirkəti, həm də Ahmet Benan Baturun işgüzar imicinə zərbə dəydi.
Məsələ ilə bağlı həm Nərimanov rayon, həm də Apellyasiya Məkkəməsinin qərarına əsasən “Atena” şirkətinə dəyən mənəvi zərər kimi 530 manat məbləğində cərimə tərəfimdən ödənilmişdir. Təkzib məsələsinə gəldikdə isə bildirim ki, “Sonxeber.info” saytı hazırda mənim mülkiyyətimdə deyil.
Ona görə saytın o vaxtki rəhbəri kimi “Atena” şirkətindən cavabdeh kimi üzr istəyirəm.
İlqar Atayev