2024-cü ildə Azərbaycanda həbsdə olan jurnalistlər 2024-cü ildə Azərbaycanda həbsdə olan jurnalistlər
Dünya

Taxıl böhranı bir aya həll olunmasa… Rusiyaya yeni sanksiyalar

Çavuşoğlu isə deyib ki, Türkiyə Rusiyanın, yaxud başqa bir ölkənin oğurladığı buğdanın öz ərazisinə gətirilməsinə icazə verməyəcək

Saytların yığılması Saytlarin yigilmasi

Türkiyə Rusiyanın işğal dövründə Ukrayna buğdasını oğurlaması iddialarını araşdıracağını vəd edib. Britaniyanın Xarici işlər naziri Liz Trass isə “təcili” qlobal ərzaq böhranında yardım təklif edib.

Trass iyunun 23-də Ankarada türkiyəli həmkarı Mevlut Çavuşoğlu ilə görüşdən sonra deyib ki, qlobal taxıl böhranı “növbəti bir ay ərzində həll olunmalıdır, əks halda fəlakətli nəticələrlə üzləşə bilərik”.

Təhlükəsiz keçid

Beynəlxalq ictimaiyyət Rusiyaya müraciət edərək Ukrayna taxılının ixracına icazə verməyə çağırır. Kiyev isə Moskvanı Qara dəniz limanlarını bloklamaqda suçlayır.

Bu iki ölkə dünyada ən böyük buğda ixracatçılarıdır və qlobal ərzaq təhlükəsizliyinin təminatında vacib rol oynayırlar. Rusiyanın Ukraynaya hücumunun taxıl təchizatında yaratdığı pozuntular qlobal ərzaq qiymətlərində kəskin artıma səbəb olub.

“Ukrayna limanlarının qorunmasının, kommersiya gəmiləri üçün təhlükəsiz keçidin vacibliyi çox aydın məsələdir. Birləşmiş Krallıq bütün bu cəbhələrdə, buğdanın təhlükəsiz çıxması üçün tədbirlər görülməsində öz təcrübəsini təklif edir, ancaq bundan ötrü beynəlxalq səylər lazımdır”, – Trass vurğulayıb.

Çavuşoğlu isə deyib ki, Türkiyə Rusiyanın, yaxud başqa bir ölkənin oğurladığı taxılın öz ərazisinə gətirilməsinə icazə verməyəcək.

Rusiyaya yeni sanksiyalar

Britaniya Ukraynaya səbəbsiz təcavüzə görə Rusiyaya yeni ticarət və maliyyə sanksiyaları açıqlayıb.

Sanksiyalara bir sıra məhsul və texnologiyaya ixrac, aviayanacağa ixrac qadağaları daxildir.

Qadağan edilən məhsulların siyahısında daxili repressiya üçün nəzərdə tutulan məhsul və texnologiya; kimyəvi və bioloji silahlardan istifadə edilən məhsul və texnologiya; dənizçilik məhsulları və texnologiyası; neft emalı məhsulları və texnologiyası; vacib sənaye məhsulları və texnologiyası da yer alıb.

Dəmir və polad idxalı ilə bağlı da qadağalar nəzərdə tutulur.

Yeni məhdudiyyətlərin bəziləri həm Rusiyaya, həm də Moskvanın dəstəklədiyi separatçıların nəzarətində olan Ukrayna ərazilərinə aiddir.

24 saat” “
Taxıl böhranı bir aya həll olunmasa… Rusiyaya yeni sanksiyalar
” başlıqlı yazını “AzadliqRadiosu”na istinadən dərc edib

Xeberler

Saytların yığılması Saytlarin yigilmasi

Bənzər məqalələr

Bir cavab yazın

This site uses Akismet to reduce spam. Learn how your comment data is processed.

Back to top button