İqtisadiyyat
“TikTok” şirkətinin səhmləri satışa çıxarıla bilər
Tamara Mustafayeva, Banco.az
“TikTok” səhmlərinin satışa çıxarılması gündəmə gəlib.
Banco.az xarici mətbuata istinadla bildirir ki, Çinin video-yayım platforması olan “TikTok”un sahibi “ByteDance” şirkəti ölkədəki tənzimləyici qurumların narahatlıqları aradan qaldırıldıqdan sonra gələn ilin əvvəlində Honkonqda platformanın səhmlərinin satışa çıxarılmasını nəzərdə tutub.
Xəbərə görə, şirkət hazırda sözügedən qurumların tələb etdiyi bütün hüquqi sənədlərin təqdim edilməsi prosesini həyata keçirməkdədir. Sentyabr ayında sənədlərin toplanmasının başa çatması və müraciətin reallaşdırılması planlaşdırılır.
Xatırladaq ki, şirkət sözçüsü iddiaları təkzib etsə də, ətraflı məlumat verməkdən yayınıb.
Bizi sosial şəbəkələrdən izləyin!!
