Now Reading:
Tillerson Rusiyaya qarşı yeni sanksiyaların mümkünlüyünü bildirib

ABŞ dövlət katibi Reks Tillerson Rusiya ilə münasibətdə yeni sanksiyaların tətbiqinin mümkün olduğunu bəyan edib.

O, CBS telekanalına müsahibəsində “Niyə Konqresin qərarında nəzərdə tutulan sanksiyalar tam şəkildə tətbiq edilmir” sualına cavabında deyib ki, artıq bəzi addımlar atılıb: “Artıq mövcud qanunvericiliyə əsasən, Rusiya hərbi texnikasının satışına dair bir neçə sazişin qarşısı alınıb. Biz sanksiyalar tətbiq edilə biləcək bir sıra digər şəxsləri də nəzərdən keçiririk”.

Qeyd edək ki, ABŞ Maliyyə Nazirliyinin hazırladığı “Kreml hesabatı” adlı sənədə 210 nəfərin adı daxil edilib.

Bu siyahı avtomatik olaraq həmin şəxslərə qarşı sanksiyaların tətbiqi demək deyil. Konqres siyahı, xüsusən də onun məxfi hissəsindəki məlumatlar əsasında bu şəxslərə qarşı ABŞ-a səyahət qadağası, ABŞ-dakı aktivlərinin, varidatlarının dondurulması da daxil olmaqla, müxtəlif sanksiyalar tətbiq edə bilər.

Eyni zamanda, “qara siyahı”ya düşmək bu şəxslərin öz bizneslərini genişləndirmək imkanlarının məhdudlaşması mənasına gəlir.

(apa)

SİZ DƏ FİKRİNİZİ YAZIN

This site uses Akismet to reduce spam. Learn how your comment data is processed.

24saat.org@gmail.com
Çəkdiyiniz videoları bu ünvana yollamaqla bizimlə əməkdaşlıq edə bilərsiniz! Telefon - 055 239-48-36
Input your search keywords and press Enter.