Tramp:” Çin Şimali Koreyanı yola gətirməzsə, biz gətirərik”
Bu gün “Financial Times” (FT) qəzetində ABŞ prezidenti Donald Tramp ilə müsahibə çıxıb.
Tramp müsahibəsində Çinin Pyongyang rəhbərliyinə təzyiq edərək, Şimali Koreyanın nüvə təhdidini aradan qaldırmadığı halda, ABŞ-ın tək tərəfli hərəkətə keçə biləcəyi barədə xəbərdarlıq edib. O, “əgər Çin Şimali Koreyanı yola gətirməzsə, biz gətirərik” deyib. ABŞ prezidenti Çinin dövlət başçısı Xi Jinping ilə bu həftəki görüşü zamanı da bu məsələni açıqlayacağını söyləyib.
Tramp müsahibəsində “Çinin Şimali Koreya üzərində böyük təsiri var, o, bizə bu məsələdə ya kömək etməyə qərar verəcək, ya da verməyəcək. Əgər edərsə, bu Çin üçün yaxşı olar, etməzsə, bu heç kim üçün yaxşı olmaz” deyib.
Amma Tramp Çinin köməyi olsa da, olmasa da Şimali Koreyanın nüvə təhdidinə maneə törədiləcəyinə qərarlı olduqlarını ifadə edib.
Çinin Şimali Koreya məsələsinə yardımçı olmasının qarşılığında, ABŞ-ın Koreya yarımadasındakı əsgərlərini çəkməyi düşünüb- düşünməyəcəkləri sualına o, “əgər Çin Şimali Koreya məsələsini həll edərsə, çəkərik” deyib.
azadliq.info
24saat.org
Mənbə – azadliq.info