2022-11-16 00:11:54
Rusiya ilə Ukrayna arasında gedən müharibədə Rusiya neftinin qərb ölkələrinə daşınması ilə bağlı problemlərə yeni problem əlavə olunub. Rusiyanın Ukraynadakı enerji obyektlərinə həyata keçirdiyi raket hücumları səbəbindən elektrik enerjisinin kəsilməsi yaşanarkən Rusiya neftini Macarıstana daşıyan Drujba neft kəmərindən neft axınının dayandığı açıqlanıb. Rusiyanın “Transneft” neft şirkətinin sözçüsü İqor Demin, axının Ukrayna tərəfindən dayandırıldığını ifadə edərək, “Gərginliyin aşağı olması səbəbiylə yükün Ukrayna tərəfindən dayandırıldığı barədə məlumat aldıq” dedi.
Rusiyanın Samara vilayətindən Ukrayna, Belarus, Almaniya, Polşa, Litva, Macarıstan, Latviya, Slovakiya və Çexiyaya 2600 kilometr neft daşıyan Drujba neft kəmərindən neft nəqli sonuncu dəfə avqustun 9-da dayandırılıb.
Tərcümə“24 SAAT”