Belarusda prezidentliyə müxalifətin namizədi Svyatlana Tsikhanouskaya Litvaya gedib. Bu haqda Litvanın Xarici işlər naziri Linas Linkevicius avqustun 11-də tvitində yazıb.

Bu məlumat Belarusda mübahisəli 9 avqust prezident seçkisinin nəticələrinə etirazların ikinci gecəsindən sonra yayılıb. Etirazlarda azı bir nəfərin öldürüldüyü xəbər verilir.

Saytların yığılması

Belarusun Mərkəzi Seçki Komissiyası (MSK) prezident Alyaksandr Lukashenka-nın 80 faiz səslə təkrar bu posta seçildiyini elan edib. Tsikhanouskaya-nın isə səslərin 9.9 faizini yığdığı açıqlanıb.

Tsikhanouskaya avqustun 10-da seçki komissiyasının binasını tərk edəndən sonra seçki qərargahı onunla telefon əlaqəsi qura bilməmişdi. O, daha öncə jurnalistlərə demişdi ki, seçkini Lukashenka deyil, o qazanıb.

“O, Litvaya çatıb, salamatdır”, – Xarici işlər naziri Linas Linkevicius Twitter-dəki açıqlamasından sonra Fransanın “AFP” agentliyinə informasiyanı təsdiqləyib.

Belarusda nümayişçilər artıq 23 ildir ki, ölkəyə rəhbərlik edən prezident Alyaksandr Lukashenka-nı qalib elan etmiş seçkinin nəticələrinə etiraz edirlər.

AzadlıqRadiosunun Belarus xidməti Daxili İşlər Nazirliyinin məlumatına istinadən bildirir ki, sözügedən etirazçı polisə atmaq istədiyi partlayıcının onun öz əlində partlaması nəticəsində həlak olub. Bu hadisə iğtişaş polisi Minskin mərkəzi meydanına yığışanları dağıtmaq istəyərkən baş verib.

Bəzi xəbərlərə görə polis adamlara atəş açıb və etirazçının ölümü də bu qarşıdurmada baş verib.

Daxili İşlər Nazirliyi 3 min nəfərin saxlandığını bildirir.

Tsikhanouskaya-nın tərəfdarları avqustun 11-də daha bir nümayiş keçirəcəklərini bildiriblər. Müxalifət ümumölkə tətilinə çağırıb.

24saat.org

Mənbə – azadliq.info

Saytların yığılması