“Türk Axını”nda inşaat başladı
Rus enerji şirkəti “Qazprom” “Türk Axını” layihəsinin dəniz hissəsi üçün boru xətti inşasının başladığı bildirib.
“Qazprom”un açıqlamasında “Türk Axını” layihəsində Qara dənizdən keçəcək boru xətti üçün inşaatın təyin olunan təqvim üzrə başlandığı vurğulanıb.
İnşaatın “AllSeas” şirkətinə aid “Audacia” adlı gəmiylə həyata keçirildiyi bildirilir. Açıqlamada o da qeyd olunur ki, Qara dənizin daha dərin hissələrində boru kəmərinin tikintisi “Pioneering Spirit” adlı gəmiylə aparılacaq.
Hökumətlərarası razılaşması keçən ilin oktyabr ayında İstanbulda imzalanan “Türk Axını” layihəsi çərçivəsində hər biri ildə 15,75 milyard kubmetr tutuma sahib iki boru xəttinin inşa edilməsi planlaşdırılır. İlk xəttin Türkiyəyə, ikinci xəttin isə lazımi təminatların alınması halında Avropaya təbii qaz çatdırması nəzərdə tutulur.
azadliq.info
24saat.org
Mənbə – azadliq.info