Dünya
Türkiyə ordusundan İŞİD-ə ağır zərbə – 11 ölü
Türkiyə ordusu Suriya ilə həmsərhəd Kilis şəhərinə raket zərbələri endirməyə hazırlaşan İŞİD terrorçularını zərərsizləşdirib.
Cümhuriyyət.az-ın APA TV- yə istinadən məlumatına görə, türk ordusuna məxsus T-155 “Fırtına” özüyeriyən artilleriya sistemi İŞİD-in uzaq mənzilli raket atan hərbi texnikasını vuraraq sıradan çıxarıb. Eyni zamanda əraziyə yaxın 3 mərtəbəli yaşayış binası da Türkiyə ordusu tərəfindən vurulub. Türkiyənin Müdafiə Nazirliyindən verilən məlumata görə, vurulan binada terroristlər məskunlaşıbmış. Hadisə nəticəsində ümumilikdə 11 terrorçu öldürülüb.
