Cəmiyyət

Türkiyənin edə bilmədiyi tibbi əməliyyat BAKIDA HƏYATA KEÇİRİLDİ

Azərbaycan Tibb Universitetinin (ATU) Tədris Cərrahiyyə Klinikasında 14 yaşlı qızın üzərində mürəkkəb tibbi əməliyyat icra edilib.

Klinikadan Publika.az-a verilən məlumata görə, son dərəcə mürəkkəb olan əməliyyat Tədris Cərrahiyyə Klinikasının Mama-ginekologiya şöbəsinin müdiri Turab Canbaxışov tərəfindən həyata keçirilib.

Maraqlıdır ki, yeniyetmənin ailəsinin dəfələrlə müraciət etməsinə baxmayaraq, nə Azərbaycanda, nə də ki, Türkiyədə heç bir klinika bu əməliyyatı keçirməyə boyun olub.

Tural Canbaxışovun sözlərinə görə, pasientin son bir ildə hər ay müntəzəm olaraq 3-5 gün çox şiddətli ağrıları olub, lakin menstrual qanaxma müşahidə olunmayıb: “Diaqnostik müayinələr zamanı pasientin anadangəlmə uşaqlıq yolunun qüsuru (tamamilə inkişaf etməməsi) aşkarlanıb. Hər ay menstrual qanaxmalar uşaqlıq yolu olmadığı üçün bayıra deyil, uşaqlıq boruları vasitəsilə daxilə, yəni qarın boşluğuna gedirmiş və ciddi ağrılara səbəb olurmuş”.

Mama-ginekologiya şöbəsinin müdirinin sözlərinə görə, bu qüsura 10 mindən bir qız uşağında rast gəlinir. Belə xəstələrdə eyni zamanda, ürək və böyrək qüsurları ehtimalları da artır. Lakin bu pasientin səhhətində başqa problem olmayıb.

Həkimin sözlərinə görə, əməliyyat təxminən 3 saat davam edib, fəsadsız keçıb və süni uşaqlıq yolu yaradılıb. Uşaqlıq yoluna müvəqqəti olaraq xüsusi balonlar yerləşdirilib: “Uşaqlıq yolu inkişaf etmədiyi üçün qonşu orqanlar – sidik kisəsi və düz bağırsaq bir-biriylə bitişik halda idi və aralarını bu orqanlara zərər vermədən ayırmaq xüsusi diqqət və təcrübə tələb edirdi. Gələcəkdə, yetkin yaşında, uşaqlıq yolunun korreksiyası üçün pasienti növbəti əməliyyat gözləyir”.

Hazırda 14 yaşlı pasientin vəziyəti yaxşıdır və artıq xəstəxanadan evə buraxılıb.

Daha çox

Bənzər məqalələr

1 şərh

  1. Hormetli kolleqalar! Sizi Azerbaycan cerrahiyyesinde yeni sehife acmaqiniz munasibeti ile tebrik edirem! O gunu arzulayiram ki,en cetin emeliyyatlarin edilmesi ucun dunyanin her yerinden sizin klinikaya muracietler olsun.Qoy sizin muveffeqiyyetiniz basqa hekimlerimizin de ozune inamini artirsin.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.

Back to top button
Close
Close