Dünya
Türkiyədə çevrilişə görə həbs edilən və işdən çıxarılanların sayı bəlli olub
Türkiyədə 15 iyul hərbi çevrilişə cəhddən sonra həbs edilən və işdən çıxarılanların cəmi sayı bəlli olub.
24saat.org-un Türkiyə KİV-nə istinadən xəbərinə görə, bunu ölkənin daxili işlər naziri Əfqan Ala açıqlayıb.
Nazir deyib ki, “Fətullahçılar”a qarşı həyata keçirilən əməliyyatlarda 76.100 dövlət qulluqçusu işindən çıxarılıb.
Nazir söyləyib ki, istintaq-əməliyyat tədbirləri çərçivəsində 5171 saxlanılaraq nəzarətə götürülüb. 16899 nəfər isə həbs edilib.
Həbs edilənlərdən 3083-ü polis, 7248-i əsgər, 2288-i hakim və prokurordur.
Əfqan Ala vurğulayıb ki, 7173 nəfər nəzarət altında qalmaq şərti ilə, 3601 nəfər isə tam sərbəst buraxılıb.
Nazir 9-u general olmaqla, 190 hərbçi və 96 polisin hələ də axtarışda olduöunu açıqlayıb.
