Dünya
Türkiyədə qəzetin hamilə işçisi döyüldü – Hicabsız olduğuna görə
Türkiyədə “Evrensel” qəzetinin xanım əməkdaşı döyülüb.
24saat.org Türkiyə mediasına istinadən xəbər verir ki, qəzetin 6 aylıq hamilə olan işçisi Hazal Ölmez dünən evinə gedərkən 3 nəfərin hücumuna məruz qalıb:
“İşdən çıxıb evə gedərkən qəfil kimsə saçımı dartdı, dönüb baxanda hicablı bir qadının olduğunu gördüm. “Niyə belə edirsiz?” sualını verəndə “Xain, qiyamçı, fətullahçı” deyə qışqırıb insanları çağırmağa başladılar. Məni orada linç etmək istədilər. Bir neçə dəqiqə sonra uzun saqqallı, 26-27 yaşlarında bir adam da yaxınlaşdı. Mənə “sənin kimi məhəllədə 4 nəfər də var, onlara da sıra gələcək” deyə qışqırmağa başladı və ayağımı təpiklədi”.