Dünya
Türkiyənin mərkəzində İŞİD-lə döyüş: 5 ölü, 4 yaralı
Türkiyə polisi ölkənin mərkəzi hissəsində yerləşən Konya şəhərində anti-terror əməliyyatı keçirib.
Publika.az “Anadolu” agentliyinə istinadən xəbər verir ki, əməliyyatın gedişatında İŞİD terror qruplaşmasının 5 döyüşçüsü öldürülüb.
Daha 4 polisin yaralandığı bildirilir. Terrorçuların gizləndiyi evdə “Kalaşnikov” markalı 5 ədəd avtomat, bir tapança və böyük miqdarda döyüş sursatı aşkar edilib. Hazırda öldürülən İŞİD üzvlərinin şəxsiyyəti müəyyənləşdirilir.