UEFA Bakıda həlledici oyunların yerini dəyişdirdi
Bakıda keçirilən 17 yaşadək futbolçular arasında Avropa çempionatının yarımfinal və final oyunlarının məkanı dəyişdirilib.
ANS PRESS-in məlumatına görə, UEFA-nın tövsiyəsinə əsasən yarımfinal oyunları “Dalğa Arena”da, final qarşılaşması isə “8-ci km” qəsəbə stadionunda keçiriləcək.
Yarımfinal və final matçlarının məkanının dəyişdirilməsi azarkeş tutumu ilə bağlı olub. Qitə futbol qurumu bu cür turnirlərin həlledici görüşlərində ajiotaj yaranması istədiyi üçün son qarşılaşmaların daha az tutumlu stadionlarda keçirilməsini qərara alıb.
“UEFA U-17” çempionatının Azərbaycanda təşkil olunması barədə qərar UEFA İcraiyyə Komitəsinin 2012-ci il martın 20-də Türkiyənin İstanbul şəhərində keçirilmiş iclasında qəbul olunub.
“UEFA U-17” Avropa çempionatının oyunları Bakıda yerləşən 4 stadionda keçiriləcək. Açılış oyunu, yarımfinal qarşılaşmaları və final matçı Bakı Olimpiya Stadionunda təşkil olunacaq.
Suraxanı qəsəbəsindəki “Qarabağ” stadionunda yalnız qrup oyunları keçiriləcək. Burada 6 oyun olacaq. 8-ci Kilometr stadionunda 8 (2-si 1/4 final qarşılaşması olmaqla), “Dalğa Arena”da 8 (2-si 1/4 final qarşılaşması olmaqla), Bakı Olimpiya Stadionunda isə 9 oyun təşkil olunacaq. Yarımfinal matçları mayın 18-də, final oyunu mayın 21-də baş tutacaq.
Avropa çempionatının təqvimi
III tur
11 may
A qrupu
Azərbaycan –Şotlandiya
Belçika – Portuqaliya
B qrupu
Ukrayna – Bosniya və Herseqovina
Avstriya – Almaniya
12 may
C qrupu
Fransa – İsveç
İngiltərə – Danimarka
D qrupu
İtaliya – İspaniya
Serbiya – Hollandiya
1/4 final
14 may
1. A1 – B2
2. B1- A2
15 may
3. C1 – D2
4. D1 – C2
1/2 final
18 may
1-ci cütün qalibi – 3-cü cütün qalibi
2-ci cütün qalibi – 3-cü cütün qalibi
Final
21 may
Turnir mayın 5-dən 21-nə qədər davam edəcək. Çempionatda 1999-cu il təvəllüdlü futbolçular oynaya bilər. Böyük futboldan fərqli olaraq matçın hissələri 40 dəqiqədir.