İdman
UEFA-nın yeni preizdenti Bakıya gəlir – Rövnəq Abdullayevin dəvəti ilə
UEFA-nın prezidenti Aleksander Çeferin və baş katib Teodor Teodoridis Bakıya gələcək.
Bu barədə AFFA-nın rəsmi saytı məlumat yayıb.
Məlumata görə, səfər AVRO 2020-nin 4 oyununun ev sahibi şəhəri Bakının loqosunun təqdimat mərasimində iştirak məqsədilə gerçəkləşəcək.
Mərasim sentyabrın 30-da Bakı Olimpiya stadionunda keçiriləcək.
Xatırladaq ki, Aleksander Çeferin sentyabrın 14-də Yunanıstanın paytaxtı Afinada keçirilmiş növbədənkənar Konqresdə UEFA-nın prezidenti seçilib.
Onu da qeyd edək ki, UEFA rəsmilərini Azərbaycan paytaxtına AFFA-nın prezidenti Rövnəq Abdullayev dəvət edib.