Loading...
Loading...
Gündəm

Ukrayna əsgərləri Kiyevdə işğalçıları belə gözləyir – DÜNYA BU GÖRÜNTÜLƏRDƏN DANIŞIR

Rusiyanın Ukraynaya dünən səhər saatlarında başlayan işğalı üç istiqamətdən davam edir. Rus ordusu Belarusdan cənuba, Krımdan şimala, Rusiya ərazisindən qərbə doğru irəliləyir. Ukraynada hərbi vəziyyət elan edilib. Kiyevdə partlayışlar olub, komendant saatı elan edilib.

Kiyevə daxil olan Rusiya qüvvələrinə qarşı Ukrayna ordusunun əsgərləri şəhərin strateji nöqtələrini nəzarətdə saxlamağa çalışır. Xəbər agentliklərinin heyrətamiz fotoşəkilləri Keivin içərisindəki körpülərin üstündə və altında bir neçə nöqtədə yerləşmiş əsgərləri göstərir.

Körpülərin ətrafında Ukrayna ordusunun əsgərlərinin çəkildiyi görüntülərdə bəzi ölü əsgərlərin qarovulda olan əsgərlərlə yerdə uzanması ilə bağlı dəhşətli kadrlar da var. Diqqət çəkən başqa bir fotoşəkildə isə dizindən yaralanmış yoldaşının arxasında gizlənən ukraynalı əsgərin keşik çəkməyə və onu sipər etməyə davam etdiyi görünür.

Ukrayna

Körpülərdə görülən bu tədbirlərin şəhər mərkəzinə girə bilən rus tanklarına qarşı olduğu düşünülərkən, Kiyev xalqının da sığınacaqlara çağırılması və elan edilən komendant saatı körpülərin dağıdılacağı ehtimalını ərsəyə gətirib.

Ukrayna

Bölgədən gələn son məlumata görə, Ukrayna ordusu rus qoşunlarının irəliləməsinin qarşısını almaq üçün Kiyev yaxınlığındakı körpüləri partlatmağa başlayıb.

Ukrayna

Ukrayna Müdafiə Nazirliyinin bəyanatına görə, Ukrayna əsgərləri Kiyevdən 48 kilometr aralıda, Teteriv çayı üzərindəki körpünü partladıb və Rusiya tanklarının karvanını dayandırıb.

Ukrayna

Kiyevin 25 kilometrliyində İrpin bölgəsində də körpünün partladıldığı bildirilib. Körpünün görüntüləri Ukrayna Daxili İşlər Nazirliyi tərəfindən paylaşılıb.

 

Gözdən qaçırmayın:  "Sülhməramlı" general Rüstəm Muradov da sanksiyalarına məruz qalıb

This site uses Akismet to reduce spam. Learn how your comment data is processed.

Back to top button