Ağ Ev sözçüsünün açıqladığı bəyanata görə, ABŞ prezidenti Donald Trump deyib ki, Rusiya üzərinəonun Ukraynaya müdaxiləsinə görə qoyulmuş sanksiyalar bu böhran çözülənədək qüvvədə qalacaq.
Xanım Sarah Huckabee Sanders iyunun 8-də deyib ki, Birləşmiş Ştatlar “Rusiyaya qarşı mövcud sanksiyaların saxlanmasına sadiqdir”.
O bildirib ki, administrasiya bu sanksiyaları “Moskva Ukraynadakı böhranın çözümündəki öhdəliklərinə ehtiram göstərənədək saxlayacaq”.
Xanım Sanders kameralarsız brifinqdə müxbirlərə deyib: “Biz inanırıq ki, icra hakimiyyətinin mövcud sanksiyaları Rusiyanın öz öhdəliklərini yerinə yetirməyə məcbur edilməsində ən yaxşı alətdir”.
Birləşmiş Ştatlar və başqa Qərb ölkələri Moskva üzərinə sanksiyaları 2014-cü ildə Rusiyanın Krımı qanunsuz ilhaqı və onun Ukraynanın şərqindəki separatçılara dəstəyi ilə əlaqədar qoyub.
Bundan əvvəl prezident Donald Trump özünün bu sanksiyalara bağlılığına dair müttəfiqləri arasında şübhə yaratmışdı, o prezident Putini tərifləyir vəMoskva ilə daha yaxın münasibətlərə can atdığını bildirirdi.
24saat.org
Mənbə – azadliq.org