Loading...
Loading...
Gündəm

Ukrayna Müdafiə Nazirliyi son durumu açıqladı

Ukrayna Müdafiə Nazirliyi Rusiya ordusunun hücumları ilə bağlı yeni məlumat yayıb. Nazirlik martın 1-də səhər saatlarında rusların ağır silahlarla yenidən hücuma keçdiyini açıqlayıb. “Mülki və hərbi infrastruktura hücum etmək üçün təxribat və kəşfiyyat qruplarından geniş istifadə olunur. Düşmənin şimal-şərq istiqamətindən paytaxta doğru irəliləməsinin qarşısını almaq üçün Siversski rayonunda müdafiə döyüşləri davam edir. Düşmənin texnikası və canlı qüvvəsi məhv edilir. Kiyev Müdafiə Qüvvələri şəhərin müdafiəsini davam etdirir, müdafiənin xarici sərhədlərini və mühüm dövlət infrastrukturunu qoruyur, işğalçı bölmələrin paytaxtın ətraf ərazilərinə yaxınlaşmasının qarşısını alır.

Beynəlxalq humanitar hüquq normalarına məhəl qoymayaraq, Ukrayna Silahlı Qüvvələrinin, Milli Qvardiyasının və Milli Polisinin hərbi geyimində kamuflyaj olunan, döyüş birləşmələri vasitəsilə Kiyevə soxulan düşmən müəyyən edilərək məhv edilir. Qoşunlarımız bu istiqamətdə fəal iş görürlər. Qoşunlarımızın davamlı müdafiəsi düşmənin döyüş ruhunu və qələbə əzmini sürətlə aşağı salır. Könüllü əsir düşmə və fərarilik halları müşahidə olunur.

Düşmənin Vasilkov və Bavarıya qarşı hava hücumu zamanı Ukrayna qırıcılarının pilotları iki Rusiya təyyarəsini vurublar”. Bu barədə Ukrayna Müdafiə Nazirliyi məlumat yayıb. “S-300″ zenit-raket diviziyaları isə 3 təyyarəni məhv ediblər. Beləliklə, düşmənin 5 təyyarəsi zərərsizləşdirilib. Onlar “Su-30” və “Su-35” təyyarələridir. Həmçinin “Buk M-1” zenit-raket kompleksi Kiyev yaxınlığında düşmən helikopterini vurub.

UkraynanınSu-25” hücum təyyarələri Kiyev və Jitomir vilayətlərində zirehli texnikaya və düşmən canlı qüvvəsinə bir neçə raket və bomba zərbəsi endirib. Bombardmançı təyyarələr də uğurla işləyib.

Hərbi Hava Qüvvələrinin “Su-24m” təyyarəsi Çerniqov vilayətində və Berdyansk yaxınlığında tank sütunlarına, mexanikləşdirilmiş texnikanınsütunlarına, yanacaq və sürtkü yağları olan motor karvanlarına ən azı dörd dağıdıcı bomba zərbəsi endirib. Bayraktar TB ekipajları da xüsusi fəaliyyət göstərib”, – nazirlikdən bildirilib.

Gözdən qaçırmayın:  "Ağ ev" açıqladı - Rusiya Kiyevi ələ keçirmək üçün hərəkətə keçib

This site uses Akismet to reduce spam. Learn how your comment data is processed.

Back to top button