Loading...
Loading...
Xəbərlər

Ukraynadan taxıl daşıyan ilk gəmi hələki mənzil başına çatmayıb

Gəmi Livanın Tripoli şəhərinə üzsə də, Ukraynanın Türkiyədəki səfiri deyib ki, alıcı 5 ay gecikdirildiyinə görə malı qəbul etməkdən imtina edib

BMT-nin vasitəçiliyi ilə əldə olunmuş razılaşmaya əsasən Ukraynadan taxıl yükü ilə çıxan ilk gəmi 11 gündən sonra Türkiyə sahilində qeydə alınıb.

Türkiyə nümayəndələri bildirirlər ki, gəmi yükünün bir hissəsini boşaltdıqdan sonra Misirə yollanacaq.

Razoni gəmisi BMT, Türkiyə, UkraynaRusiya arasında əldə olunmuş razılaşmaya uyğun olaraq Odessa limanını avqustun 1-də tərk etmişdi.

Gəmi Livanın Tripoli şəhərinə üzsə də, Ukraynanın Türkiyədəki səfiri deyib ki, alıcı 5 ay gecikdirildiyinə görə malı qəbul etməkdən imtina edib.

Buna görə də Türkiyə sahillərində lövbər salmış gəmi yeni müştəri axtarırdı.

Gəmi hərəkətlərini izləyən Refinitiv saytı bildirir ki, Razoni gəmisi avqustun 11-də Türkiyənin Mersin limanında idi.

Mersində mənzillənmiş Toros gəmiçilik agentliyi bildirib ki, Razoni 1500 tonluq qarğıdalı dəni yükünü Türkiyədə boşaltdıqdan sonra qalan 26 tonluq yüklə Misirə yollanacaq.

Reuters agentliyi bildirir ki, Toros firması Mersində yalnız gəmilərin boşaldılması və yüklənməsi ilə məşğul olur və gəminin Misirə getməsi qərarı başqa qurumlar tərəfindən qəbul olunub.

AzadliqRadiosu

Gözdən qaçırmayın:  Laçından yan keçəcək yolun tikintisi yekunlaşıb

This site uses Akismet to reduce spam. Learn how your comment data is processed.

Back to top button